البلد دي فيها حكومة  (2008)  Al-Balad Di Fiha Hakouma

أراء حرة

 [1 نقد]

شاهدت لك: البلد دى فيها حكومة

• Fady Baha'i Seleem
• 12:00 صباحًا - 28 ديسمبر 2009
• نقد آخر لنفس المستخدم

لم اكن انوى دخول فيلم يحمل إسم تامر هجرس.. او علا غانم.. او هيثم احمد زكى.. او مثل هذه العاهات السينمائية! فما بالك اذا كان الفيلم يحمل عاهتين؟! كنت ذاهب لدخول فيلم امريكى اسمه Even Money و لكن حظى العثر..جعل الفيلم العديم الدعاية..يلغى..و اضطر لدخول اى فيلم و خلاص..يعنى لو لا كدة..ما كنت فكرت فى دخوله..! المهم.. اسم الفيلم..طويل موز..و كمان اسمه غبى..ايه "البلد دى فيها حكومة" ده؟ حاجة عاملة زى "الشرطة فى خدمة الشعب" او "دخول الحمام مش زى خروجه".. حاجة بلهاء آخر...اقرأ المزيد حاجة! يتضح قبل النهاية بدقائق..شوف امتى!..ان العنوان تريقة! تامر هجرس..كما هو..سمج..متغطرس..مغرور..رخم..غلس..تلم..تيبت..تلح..إلخ..إلخ. علا غانم..مطلوبة طبعا لإن الدور يتطلب السيدة اللعوب..و مين هايقوم بأدوار نادية الجندى بتاعة سنة 1980 سنة 2008 غير الست علا؟ المفاجأة كانت فى هيدى كرم..ايه ده..بجد اداء ملفت..تمثيل جميل..حضور..روح جميلة..خفة ظل..حواراتها منتقاه..لائقة على الدور..تواجد مؤثر..اعطت لمسة و طعم مميز للفيلم..كانت هى الحسنة الوحيدة فى الفيلم.. الباقى كله "باسكيت!" القصة.. عجيبة و غريبة.. يعنى جديدة جدا فى افكارها..مملة و تقليدية فى بعض الاحيان..مفككة و مترهلة فى احيان اخرى! مش سهل ممتنع..نو!..صعب مستباح..او معقد ابله..او الافضل نقول..ملخفن عشوائى! الفيلم ليس إجتماعى..و لا اكشن..و لا تشويق "ساسبينس"..و لا كوميدى..و لا خيالى..و لا رعب..و لا رومانسى..و لا اى حاجة! الفيلم مزيج ما بين فيلم ساخر..و ساسبينس..و اكشن..و إجتماعى..و فلسفى..و دراما.. و ليس كل ما هو ممزوج هو "فلوريدا كوكتيل"..فهذا الفيلم اقرب إلى "المزيج الحمضى!" السيناريو فى هذه السَلطة السينمائية..او الكنافة بمعنى اصح..سريع و لاهث فى احيان و بطئ و ممل و مترهل احيانا اخرى..افكاره بعضها مستهلك..و بعضها جديد جدا لم تتم معالجته جيدا..او تم معالجته بأسوء الصور.. الكاستنج..إختيار الممثلين..سئ آخر حاجة! التصوير..مش قوى..الموسيقى..مسروقة من "بريف هارت" يا حرامية يا لصوص يا قراصنة!..تراكات بحالها يا نشالين الفن! و الباقى كان معقول..الا اذا كان مسروق من مصادر تانية! الديكور حلو..ماعدا ديكورات البنك الخارجية..اى كلام! التمثيل..كله صفر ماعدا هيدى كرم..اديلها 6.5 من 10..و خصوصا هذا "الخرتيت" او "كائن الكسلان" اللى اسمه فى الفيلم و التترات..جو..اسوء وجه جديد شاهدته فى حياتى..ارذل من تامر هجرس بمراحل! الفكرة نفسها مش بطالة..بس الإخراج المتخلف..و الممثلين ذوى اثقل ظل فى مصر..و السيناريست المبتدئة..اضاعوا كل هذا فى شريط سينمائى..مصنوع..سمك..لبن..تمر هندى..حمص الشام.. اوعى تروحه سينما..عايز تروح الفيلم الساذج ده و تكابر..اتفرج على مسؤليتك بقى!..بس ممكن تشوفه فى الدش لما ينزل بعد سبع او تمن شهور و لا حاجة..احتمال يسليك شوية.. ده لو انت خلصت كل متع و فسح و خروجات مصر!! الاخراج..زى ما قلت..متخلف..مخرج معاق! النتيجة الإجمالية: 4.5 من 10

• 4 مفيد
• 3 غير مفيد

أضف نقد جديد