• Ahmed Adel
• 12:00 AM - 30 July 2014
• My Other Reviews

اخيرا فيلم مصري يستحق المشاهدة الاخراج مروان حامد يثبت انه من افضل المخرجيين المصريين في هذا الوقت باسلوب اخراج يحسسك انك بتتفرج على فيلم اجنبي من حيث الجودة و الاتقان في العمل بس الحلو ميكملش عشان ترتيب المشاهد حسسني بلخبطة و بعض من الملل فيسير الفيلم في النص الاول 5 دقائق كلام و حوار من غير موسيقة بعد كدة الموسيقى تزداد لمدة نص دقيقة في حدث قصير جدا و بعد كدة 5 دقائق كلام وهكذا فا تيجي تتحمس و تخش في المود يرجع هادي تاني حسيت انو كان بطيء من الانتقال من حدث لحدث و غير مترابط و كان ممكن يزود من مشاهد الاثارة اكتر من كدة او يزود من مدة كل مشهد

التمثيل نيللي كريم .. تمثيل فوق المتوسط مش افضل حاجة ليها كريم عبد العزيز .. رائع في اوقات عادي في اوقات تانية .. كان ممكن يعيش الدور اكتر من كدة خالد الصاوي .. امتياز .. احسن تمثيل في الفيلم و احسن اقناع مايا .. تمثيل متوسط و يمكن تحت المتوسط ماكانش في اي كيمياء بينها و بين يحيى على العموم التمثيل كان جيد جدا عشان الممثلين الثانويين كانوا ممتازين زي محمد ممدوح و شيرين رضا

ارتباطها بالرواية مفيش اي اختلاف بينها و بين الرواية غير في اخر مشهد في الفيلم فقط

الموسيقى كالمعتاد من هشام نزيه موسيقى رائعة تتدخلك في المشهد و خصوصا في اخر ربع في الفيلم

في الملخص فيلم رائع يستحق المشاهدة متقن جدا و معمول باحترافية لكنه مش كامل .

• 1 helpful
• 0 not helpful