• Ronaldo Abdelrahman
• 12:00 AM - 13 March 2016
• My Other Reviews

عودة مواطن 1986 إخراج: محمد خان (مخرج ) .................. فيلم فى منتهى الجمال والروعه بيحكى قصه المواطن شاكر العائد من قطر بعد فترة عمل 8 سنوات وبحثه عن حياته الماضيه مع اسرته بعدما جمع مبلغ مالى كافى لتأمين مستقبلهم لكنه لقى الحياة اتغيرت خالص كل واحد فى اخواته مشغول بحياته الخاصه منهم اخرط انخرط فى تنظيم سياسى سرى والاخر ادمن الحبوب المهدئه والاخت الكبيرة انشغلت عنه بمصنع الحلويات الخاص بها والاخت الصغرى انشغلت بحاتها مع خطيبها ومشاريعهم شاكر قام بدوره يحيى الفخرانى فى دور جميل جداً فى احد المشاهد شاكر يقود سيارته وهو راجع للمنزل يصادف مرور سيارة اخته فوزيه (ميرفت امين) ذاهبه فى الاتجاه المعاكس محمد خان مخرج ذكى جداً قدر بمشهد عابر زى دا يلخص المغزى من الفيلم كل واحد مشغول بحياته كل واحد ماشى فى اتجاه اختاره هو بيحدث التقاء وفراق لكن مفهوم الاسرة بالمعنى الى فاهمه شاكر والرابطه الاسرية القويه تفككت تماماً فى نهايه الفيلم بيقرر شاكر العودة لدولة قطر وفى اخر لحظه بيقرر عدم السفر من اهم ما يميز الفيلم ابداع محمد خان فى الكادرات وتحريكه للكاميرا واختيار اماكن الكاميرا بشكل رهيب فى كادرات ايقونيه جدا الفيلم ممتع بصرياً جدا موسيقى "كمال بكير" رائعه جدا البيانو الساحرى اضفى جو حميمى على الفيلم اخيرا حابب انوه لحاجه قريت قبل كدا انه محمد خان متأثر بالمخرج اليابانى "ياسوجورو أوزو" الفيلم دا بيوضح قد ايه متأثر بيه الكادرات الى بيبقى فى اخرها شخص واقف الكاميرا الى بتبقى قبل الممثل مستنيه ظهوره قصه الفيلم كمان عن العلاقات الاسرية الى هى تناولها دائماً "أوزو" الفيلم جميل جداً وتناول موضوع مهم الفيلم جميل جدا جدا

• 5 helpful
• 0 not helpful