• مجهول
• 12:00 صباحًا - 6 مارس 2012
• نقد آخر لنفس المستخدم

على الرغم ان الفيلم ممكن ميكنش اعظم عمل للمخرج كلينت الا انى بعتبر الفيلم ده اكتر من رائع طب ليه؟؟ ببساطة انا عايز مصر كلها تشوف الفيلم ده, تشوف ازاى شخص قدر انه يبنى جهاز كامل من الصفر ازاى قدر يغير عالم الشرطة و المباحث بالكامل ازاى قدر يستخدم العلم و خدوا بالكم من كلمة العلم في عالم الشرطة و التحقيقات, استخدم الامكانيات اللى متاحة عنده, خرج بره الصندوق و جاب علماء خشب و ناس ترفع بصمات و شهود و عمل حاجات كانت غريب على الناس ساعتها, و تخليك تقعد تنبهر ازاى الشخص ده قدر يسخر كل الامكانيات اللى حوليه في انه يوصل لكده, لا و كمان من اهم الشروط اللى حطها علشان تنضم للجهاز انك تكون متعلم و معاك شهادة محترمة العلم برده ده المفتاح. نيجى بقا لفنيات الفيلم, مش مبهرة للدرجة لكن اداء ليوناردو كان عبقرى ادى الدور ببراعة شديدة و اقنعك بالدور و ادى المراحل المختلفة لادجار بشكل رائع. بالنسبة للاخراج انا شايفة انه جيد مش سيء و في نفس الوقت مش عبقرى الا انى الحقيقة انشفلت بالقصة نفسها و باداء ليوناردو , ناعومى واتس دورها كان حلو بصراحة قصير بس قامت بيه بشكل كويس, الفيلم بشكل عام جيد جدا و انصح الناس تجربه...

• 2 مفيد
• 0 غير مفيد