• دعاء أبو الضياء
• 12:00 صباحًا - 8 اكتوبر 2012
• نقد آخر لنفس المستخدم

اعتمدت في البداية على اسم الفيلم (House at the End of the Street) اللي شدني كتير لمشاهدته، وحسيت إنه ح يقدم حاجة جديدة، كمان لما عرفت إن بطلته جنيفر لورانس اللي قامت ببطولة (ألعاب الجوع) قولت أكيد الفيلم ح يقول حاجات مهمة أو ع اﻷقل ح يبقى شيق ومثير؛ وده اتحقق فعلا مع النصف الساعة الأولى خاصة إن المشاهد كان بيغلب عليها الغموض والتوتر ومن الصعب أنك تتنبأ بأي حدث أو توصل ﻷي معلومة،

لكن لم يدوم هذا الغموض طويلا وبدأ الفيلم في الاعتماد على السرد الطويل والحكايات اللي ملهاش أي لازمة والتركيز على الشخصيات أكتر من الحدث الأساسي للفيلم اللي بيدور عن منزل في نهاية الشارع، وقع فيه جريمة قتل غريبة لم يذكر أي سبب عنها أو الدافع لوقعها، كمان كان في أحداث كتيرة اوي مقدرتش أعرف إيه سبب إقحامها في القصة زي ليه راين كان منبوذ من جميع جيرانه؟ بالرغم من إنه لم يصدر عنه شيء وكان موجود لفترة طويلة خارج المدينة!.

أما الموسيقى التصويرية اللي اعتقد إنها من أهم عناصر أفلام الإثارة والرعب فحدث ولا حرج؛ موسيقى باهتة تميل أكثر للأفلام الكلاسيكية ولم تناسب أي مشهد استخدمت فيه. الغريب أكتر إن الفيلم تناول مشكلة اجتماعية بحته وهي مشكلة المراهقة وتعامل الأمهات مع البنات وخوفهم الزائد عليهن، وده خرج الفيلم من دائرة الرعب خاصة أنه تناول ده في مساحة كبيرة أوي من مدة الفيلم،

• 1 مفيد
• 0 غير مفيد