• Ahmed Hasona
• 12:00 صباحًا - 7 نوفمبر 2012
• نقد آخر لنفس المستخدم

"looper' Bruce Willis و Joseph Gordon-Levitt مع بعض فى فيلم واحد!!

بالظبط هو ده اللى انا قولته اول ماشوفت تريلر الفيلم وتنبأت بأنة هيكون فيلم كويس مع انى مش من جمهور افلام الخيال العلمى بس الفيلم فعلا يسحق المشاهدة. القصة بأختصار بتحكى عن شخص أسمه Joe بيلعب دوره (Joseph Gordon-Levitt) و (Bruce Willis) وهو بساطة كده شعال (looper) وفى سنه 2074 كان وقتها موجود السفر عبر الزمن ولكنه كان غير قانونى وكانت بتتحكم فى الموضوع ده مافيا كبيره جدا وكانت بترسل الشخص 30 سنة للوراء عشان يتقتل عن طريق الlooper وبالتالى لما Gordon-Levitt قابل نفسه لما كبر تردد ........ الخ. فى البداية هيبقى فى (توهان) انا كنت فاكر ان الفيلم هيبقى وحش بس بعد كده ابديت افهم عن طريق الاحداث المتتابعه.

الفيلم بصراحه كده مفهيوش غير (Gordon-Levitt) بالرغم من وجود العملاق (Willis) لان (Gordon-Levitt) كان مطلوب منه ببساطة انه يكون (Willis) وهو صغير وانا بتفرج على الفيلم حسيت ده فعلا ان (Gordon-Levitt) هو بالظبط (Bruce Willis) وده اجتهاد شخصى منه بصراحة وبالفعل اثبت جدارته .

السيناريو كان عادى ومكانش فى حاجه مميزة بس على الأقل القصة احسن بكتير من قصص تانية متلعقه بالسفر عبر الزمن.

(Emily Blunt) كانت عادية جدا ومحستش بيها غير فى اخر ربع ساعه بس فى الفيلم. فى واحد بس مخدش حقة فى الفيلم ده وهو الممثل القدير (Jeff Daniels) كان المفروض يظهر اكتر من كده.

بس فى الأخر الفيلم جيد جدا ويعتبر من أحسن الأفلام الى اتكلمت عن السفر عبر الزمن .

• 5 مفيد
• 2 غير مفيد