• Hazem Ibrahiem Megahed
• 12:00 صباحًا - 13 اغسطس 2013
• نقد آخر لنفس المستخدم

اكيد الناس كلها مستغربة ازاى فيلم زى قلب الاسد يحقق ايرادات عالية و من قبله عبده موته......... السبب هو قرب الشخصيه الشخصيه دى موجوده فعلا فالمجتمع السناريو البسيط مع الانتاج ( بيتهيالى الميزانية مش كبيره اوى ) مع كام افيه و قلش من محمد رمضان عمل جو حلو فالسنيما السبكي عمل فيلم يمس الشباب و يقربهم من الواقع يغازلهم بكام شتيمة و مشاهد تخدش الحياء ( اه زمبئولك كده ) على تعبيرات وش محمد رمضان الى انا بعتبره ممثل عبقري و تقريبا الشخصية دى بقت حته منه القصة بسيطه و المفروض من البوستر انه فارس الجن ( محمد رمضان ) نشا فسيرك مع الاسود و النمور رغم ان احنا مشفنهوش معاهم غير ف 4 مشاهد بالكتير ... كمان تحس ان مفيش ادوار بارزة تانى فالفيلم اللهم حورية فرغلى الى كنت تحس انها عايزة تعمل عرض لمفاتن جسمها مش تمثل شخصية حسن حسني بقى لازم يحط بصمة فالافلام الهابطة الى من النوعية دى .... برضه باداء بسيط و مش مبهر ماهر عصام...... اعتقد انه كان مزنوق فقرشين فعمل الدور ده لانه تحس انه جاى علشان يفضل يعمل الشات و افيهات مع محمد رمضان و هو ده دوره و السلام ريهام امين .... دور عادى و مكنتش اضافة للفيلم السناريو ...... بسيط اوى لدرجه الكسح و التفاهة و قصة مكررة 100 الف مرة الاخراج....... على قده اوى

السبكي بيلعبها صح . ... كام قلش على مهرجان على كام حركه اكشن يجذب بيها المراهقين و خلصت الليله و تجيله ايرادات بالملايين و كل ده و من غير افورة فالانتاج و فعلا تحس ان فيه افلام لنجوم تانيه بيتصرف عليها ضعف الميزانيه دى و متجبش ايرادات علشان مبيفهموش الجمهور صح

• 2 مفيد
• 6 غير مفيد