• Hazem Ibrahiem Megahed
• 12:00 صباحًا - 26 مايو 2014
• نقد آخر لنفس المستخدم

مش عارف من الافلام الى ممكن تيجي تكتب عنها حاجة متعرفش تكتب ايه بس كل الى اقدر اقوله ان من احلى الافلام في سنة 2013 مارتن سكورسيزى اخرج تحفة فعلا من اول مشهد فالفيلم لما الاسد بيتجول فالشركة بتحس ان قلبك بدا يتخطف مع الفيلم مرورا بمشهد ماثيو ماكهلونى و هو بيشرح طبيعة عمل البورصة لدي كابريو ....... كان ظهور صغير بس كان مميز لنجم مميز و مرورا بمشهد دي كابريو و هو بيقنع العميل انه يشتري اسهم فمكتبه الصغير بتبدا تبقي مش عايز تسيب الفيلم فعلا و يجبرك انك تقعد تتفرج و تهتم بكل لحظة منه و ده انجاز لفليم طوله 3 ساعات الفيلم كان بلا حدود و ده ظهر من خلال مشاهد جريئة و الفاظ قوية كانت بتدل على معني و هو الخفة و اختراق كل الحدود مش عارف بس كنت حاسس ان الموضوع ده مبالغ فيه شوية و يعتبر من عيوب الفيلم بس من احلى الحاجات فالفيلم جوناه هيل كيمياء شديدة و غريبة و رائعة ما بينه و ما بين دي كابريو متحسش انهم بيمثلوا فعلا خصوصا فمشهد زى مشهد المخدرات ذات التاثير المضاعف المشهد الى من اجمل مشاهد الفيلم و الى عمل مع ديكابريو ثنائي روعة و عمل اضافة كوميدية كبيرة بس من عيوب الفليم اهماله لبعض الشخصيات او تركيزه بشكل مبالغ على بلفورت ( دي كابريو ) الى تقريبا خلى شوية شخصيات يعتبر ملهاش ابعاد حقيقية فالفيلم

اما بقي ذئب هوليود و احد اهم نجومها و الى مش عارف ازاى محنوش عليه باوسكار لحد النهاردة هو ليناردو دي كابريو اداء روعة و تقمص ممتاز للشخصية و كوميديا رهيبة و انفعالات متميزة .... كان لازم ياخد اوسكار على الدور ده دور بارز قاده سكورسيزى لواحد من اجمل اداءته و كان فعلا ثعلب . الفيلم اخد تقييم 8.4 على موقع IMDB مع مراجعات عالية من النقاد و يستحق الفيلم انه يبقي واحد من احلى افلام 2013

• 0 مفيد
• 0 غير مفيد