• Mahmoud Mahdy
• 12:00 صباحًا - 15 سبتمبر 2014
• نقد آخر لنفس المستخدم

حوار الفيلم وجمله جذابة وجميلة والسيناريو متماسك وبيتحرك بين مراحل كتير برشاقة كبيرة .. بس بالنسبة لفيلم ملحمي بالحجم دة، الأمور سطحية جداً ودة شيء غريب جداً على Aronofsky بالتحديد.

ساعات سيناريو الفيلم بيبقى سطحي بس طريقة إخراج مشاهده بتساعد على الرفع من شأنه شوية. دة للأسف ماحصلش هنا لأن طريقة إخراج الفيلم بسيطة جداً. Noah هو أبسط فيلم لـDarren Aronofsky اللي أخرج قبل كدة Black Swan وThe Wrestler وThe Fountain وRequiem for a Dream.

شايف إنه من الظلم إنك تطلع من Noah كارهه تماماً. ومن المثير للإنتباه انك يطلع عاجبك تماماً، بس خلينا نبعد عن الحتت الغويطة ونركز في المهم. ممكن تكون حبيت فكرة إلحاق صورة بالقصة اللي عمال تسمعها من ساعة ما كنت طفل. ممكن تكون حبيت المجهود اللي Darren Aronofsky بذله عشان ينزل لك شوية بأحداث من مكانة الأساطير لسياق فيه شوية منطقية. ممكن تكون حبيت Russel Crowe وخبرته في التعامل مع مراحل الفيلم وقدرته على تقسيم لحظات إبداعه وإدخارها للوقت المناسب. وحاجات تانية كتير ممكن تتحب. ودة كله في رأيي بيشفع شوية للسطحية اللي عابت الفيلم.

• 0 مفيد
• 1 غير مفيد