• mohamed alm shady
• 12:00 صباحًا - 31 يناير 2015
• نقد آخر لنفس المستخدم

عشان الناس اللى متضايقين من فيلم Boyhood وفاكرينه واخد اكتر من حقه

بصوا يا جدعان دة فيلم ومش فيلم … مش فيلم بمقاييسنا احنا للافلام ومعرفتنا ليها .. يعنى مافيهوش بداية ووسط ونهاية … مافيهوش الحبكة او القصة اللى انت بتستناها فى كل فيلم

الفيلم مافيهوش الليلة دى ومتهيألى هنا يكمن جمال الفيلم ..الفيلم ابسط مما يكون .. ببساطة كأنك بتقلب فى البوم صورك القديمة وبتتفرج عليها وبمبتسم ابتسامة بلهاء كدة مش عارفلها سبب وانت بتفتكر المواقف بتاعة كل صورة واللى هى مواقف عادية جدا فى حياتنا مش خارقة ولا حاجة .. هو الفيلم يمكن امريكانى شوية فى النقطة دى بس دى طبيعة الفيلم انه لازم يبقى كدة

عبقرية الفيلم بقى وتفرده وفكرته والكلام الفارغ دة دى بقى فى ناس تانية تتكلم عنها عندهم القدرة يحكموا عليه مش انا

انا بالنسبة لى الفيلم عجبنى جدا ومحستش بملل من طوله ولا حسيت انى عايز افكر بعمق فى التجربة دى وكدة وجالى نفس الاحساس وانا بقلب فى صورى القديمة من وانا صغير لحد دلوقتى

وحسيت انى اتفرجت عليه فى الوقت المناسب والمكان المناسب

واجمل جملة سمعتها عن الفيلم انه هو مش فيلم عن 12 سنة فى عمر صبى .. لا دة 12 سنة فى عمر صبى اتحطت فى فيلم

• 3 مفيد
• 0 غير مفيد