• Abdelrahman Mohammed
• 12:00 صباحًا - 10 فبراير 2015
• نقد آخر لنفس المستخدم

في البداية احب اوضح اني عندي مشكلة مع افلام السيرة الذاتية (biography) لانها في الغالب هي الافلام التي تحصل على نصيب الاسد من الجوائز , وذلك اما ان يكون تعاطف او انبهار بالشخصية و لكن في معظم الاحيان يكون للفيلم او الشخصية ضجة (زيادة عن اللزوم ) وعدم استحقاق للجوائز .

اسف على المقدمة الطويلة !

الكلام اللي في المقدمة في الاغلب كلو في The Theory Of Every Thing , وانا معترض بصراحة على ترشيحة لافضل فيلم في جوايز الاوسكار .

هل كل الانتقاد ده يدل ان الفيلم ليس جيدا كفاية ؟ بالعكس تماما الفيلم من اجمل الافلام اللي ممكن ان تراها لسنة 2014 !! طب ايه المشكلة ؟ خلوني اعرض لحضراتكوا سلبيات و ايجابيات الفيلم , ولكن قبلها في معلومة بسيطة كدة :

( الفيلم لم يتناول قصة ستيفين هوكينج العلمية بل تناولها عاطفيا وده شىء مش جديد لان الفيلم متاخد من كتاب جاين هوكينج زوجتة السابقة )

ايجابيات الفيلم : 1- البساطة في العرض و السرد ( الفيلم خفيف وجميل و مش محتاج تركيز عشان تشوفوا ) 2-توقيت الميكس بين المشهد و الموسيقى الرائعة للفيلم ( شىء مدهش ) 3- رومانسية واقعية وحقيقية و جميلة ( مش Over يعني ) 4-اداء جيد جدا لجميع الممثلين ما عدا ادوار الاب - الام - الاخوات لستيفين هوكينج

سلبيات الفيلم : 1- الركض الزمني السريع والغير مريح اطلاقا 2-المبالغة الزائدة في مشاهد التعاطف مع ستيفين هوكينج 3-انهاء بعض المشاهد بشكل غير مريح و ممكن مستفز !!

و بالرغم من السلبيات الا انك مش هتركز فيها , لان الفيلم عارف الوزن اللي فية و ما حاولش انوا يرفع الوزن و ده شىء كويس جدا و يحسب للفيلم ,ده زائد ان , موسيقى الفيلم كافية انها تمنعك من ان الفيلم ميعجبكش !

خلينا نتناول شخصيتين اللي احداث الفيلم كلها عليهم : 1- Eddie Redmayne : تفوق ل Eddie بشكل مميز جدا لانو عمل السهل الممتنع ده زائد المجهود البدني الرائع , واللي يستحق علية اوسكار

2-Felicity Jones : انتابني نوع من التردد اذا كنت اتعاطف معها ولا لا و لكن ادائها في اخر 3 مشاهد في الفيلم كانوا من اروع ما يكون و تستحق ( ترشيح ) للاوسكار بكل جدارة .

كان من الممكن ان يكون الفيلم اروع اذا اضيف اكتشاف علمي يبهر المشاهد بة حتى يفهم المشاهد لماذا اكتسب هوكينج هذة المكانة العظيمة .

• 2 مفيد
• 0 غير مفيد