• Ahmed Hussein
• 12:00 صباحًا - 8 اكتوبر 2015
• نقد آخر لنفس المستخدم

من كتر ما انا متنرفز من امبارح بعد ما دخلت الفيلم السئ لابعد حدود ده,انا هكتب بالعامية وهقول رايي والاعراض اللي جاتلي بعد ما الفيلم بدا بخمس دقايق. اولا....... اي بني ادم (عاقل )خلقه ربنا قال كلمة حلوه عالفيلم ده يبقى حاجة من الاتنين يااما ماشافش الفيلم وكداااااااااااااااب يا اما مدفوعله فلوس وكدااااااااااب برده . ثانيا...... انا دخلت الفيلم عشان المخرج والمؤلف طبعا ,وللاسف كمان باقي العناصر كلهم كويسين المنتج والمزيكاتي (ايوه قاصد اقولها عشان المزيكا كانت سبب في صداع بقاله 20 ساعة) لكننننننننننننننن مش هنا يا ساده مش في الفيلم ده خالص خالص. والسؤال ازاي الناس دي عملت الفن الفظيع ده . ده غير ان ضيوف الشرف عندي احساس ان اضحك عليهم.

دخلت الفيلم وانا صحابي ورايا, بعد ما بدا الفيلم بكام دقيقه اكتشفت ان الحوار عبارة عن عبث ملئ بالافيهات الفاشله الطويييييييييلة المملة والسيناريو مليان احداث ملهاش اي 3 لازمه ده بالنسبه ل(سموره)

اما بالنسبه ل(ابو حميد) المخرج, مش ستايلك خالص وفشلت فيه فشل فظيع ده غير انه مش هتفتكس اي حاجه والناس تحبها يعني ,انت ملزق شوية كليبات بايخة فيها نفس المزيكا اللي قعدت ساعتين بتدمر جهازي العصبي وبين الكليبات دي شوية حوار محبط بيقولك (ايوه ياعم انت دخلت فيلم منيل بستين نيله انت مش مصدق ليه,يا بني الحق نفسك وامشي من القاعه دلوقتي) بس انا كملت للاخر.

اما بالنسبة للابطال اللي هما الجيل الرابع بقولهم (تمثلوا في الجنه ان شاء الله مش هنا).

اما النجمتين اللي فوق دول فده عشان انا ضحكت مرتين في الفيلم.

انا كتبت ده عشان اقول ان الفيلم ده اسوء حاجه شافتها عيني ,واللي مش واثق فيا يدخل الفيلم ويستاهل اللي يجراله .

شكرا على وقتك........ ايها المشاهد الغلبان.

• 4 مفيد
• 9 غير مفيد