• Mido Madrid
• 12:00 صباحًا - 24 مارس 2016
• نقد آخر لنفس المستخدم

الفيلم بيظهر الخير بعدة اشكال واختلاف اراء الناس فى طريقة عمل الخير باتمان بيرمز للعدالة وسوبرمان للامل و نظرة كل بطل للاخر

اولا بين افليك عمل الدور حلو واحسن واحد عمل باتمان و اعطى للشخصية حقها من حيث اذا كان بروس واين او باتمان شوفنا حركات و اكشن مشوفنهوش قبل كده بالنسبة لهنرى كافيل عمل دور سوبرمان احسن من الجزء اللى فات بالنسبة لواندر ومان كانت كويسة ومش هقدر اقول اكتر من كده عشان محرقش بالنسبة لليكس لوثر احسن ممثل قام بالدور ده بالمقارنة بالممثليين الرائعيين اللى عملوا الدور قبل كده بيوصلك الشخصية الموجودة فى الكوميك بالظبط فى كرهه لسوبرمان وباتمان و محاولة عمل خطط لهزيمتهم حتى لو فى ابرياء هيتأذو

الفيلم مليان اكشن اوى الاحداث سريعة بس متناسقة عشان متسرحش كان فيه حاجات ممكن تكون احسن بس المجمل فيلم اكثر من رائع ويستحق مشاهدتة فى السينما

السوندتراك مفيش احسن من كده هانز زيمر و جينكيل عاملين شغل اكثر من رائع

مشاهد الاكشن قوية و معمولة بطريقة حماسية ومع السوندتراك القوية تخليك عايز تقوم تحارب معاهم

9/10

• 3 مفيد
• 1 غير مفيد