• Hossam Waleed
• 09:33 صباحًا - 21 يناير 2019
• نقد آخر لنفس المستخدم

وحش جدًا ومعجبنيش، هوّا ممكن يبقى حلو أو مُناسب لطفل معداش العشر سنين بيشوفه في إحدى الحصص المكتبية في المدرسة مثلًا.. لكن الفيلم مش هامم نفسه إنه يكون لفئة الناس الكبيرة ولا المراهقين حتى.. حكي من "ليام نيسون" على طول الفيلم بيقول حاجات مُباشرة وفي الوشّ عن أخلاقيات الحياة، الحرية والحب .. وجمل زي يجب/عليك أن.. ساعات من كتر ما مافيش تقريبًا توجّه في الفيلم إلا ده، الفيلم بيبقى مستفز فعلًا. . . السيء فعلًا في الفيلم لو فيه حاجة واحدة يعني، هوا عدم استغلاله خالص لفكرة المشاهد اللي بتوصف عِبَر ومعاني في القصة اللي ماشية بشكل متجاور معاها (جَت على شكل مشاهد بنمط أنيمي مختلف عن واقع الحدوتة، وتعليق من "نيسون/مصطفى" عليها).. ممكن تشوفوا ازاي مثلًا فيلم زي (The Breadwinner​) عمل الموضوع ده بشكل عبقري، وإن الحَدَث كان نابع من دراما الفيلم، مش برّاه زي هنا.. النسيج الواحد المفتَرض غائب تمامًا. . . حتى القصة لا هي جذابة أو فيها صراع تخلينا مستنيين حاجة، وكل الشخصيات كلاشيهية.. .. فيلم يتنسي بسهولة باختصار.

• 0 مفيد
• 0 غير مفيد