• Abdallah elsayed Ghanem
• 09:49 صباحًا - 29 ديسمبر 2020
• نقد آخر لنفس المستخدم

الفيلم يعتبر التجربة الاولي للمخرج معتز حسام بس هل تجربة ناجحه ولا لا

الفيلم بيتكلم عن طفلة اسمها ريما بتقدر تشوف المستقبل ووارثه الحكاية دي عن والدها بيبدأ بقا الفيلم يتكلم عن فكرة الرؤية عموما ومش كل رؤية خير وبيبقي فيه صراع في الفيلم بين الجانب الكويس والجانب الوحش والجانب الي بيحب والجانب الي بيكره وبتبدأ سلسلة من الصراعات داخل الفيلم كلمة السر بتاعتها هي الطفلة ريما الي تقدر تكشف كل حاجه في ثواني وعندها كل الاجابات علي كل حاجه بتحصل بتعاني ريما في بداية الفيلم من مشاكل نفسيه منها أنها بتشوف حاجات تزعلها وناس بتموت قبل ما يموتو وحمل صعب تتحمله بعد وفاة والدها ووالدتها فهي عايشة مع جدتها الي بتعامل ريما معامله مش عاجباها لاكن كان مجرد تصرف خاطئ من جدتها ندمت عليه كتير بعد كدا وكانت حته حلوه من معتز حسام انتقلت بقا ريما وناس اتبنوها وبدأت تحللهم مشاكل عن طريق رؤياها لاكن مش شرط الخير يفضل الخير وبيتحول في النهاية لشر لا تستطيع إيقافه سواء من جانب الي عمل الخير أو من طرف آخر الطرف الآخر هو شخصية محمد ثروت رمز الشر داخل احداث الفيلم وفعلا محمد ثروت تفوق علي نفسه جدا في الفيلم ويعتبر دا اول أداء مش كوميدي ليه تقريبا لاكن عمل اداء ممتاز وأبدع في الدور وريم عبدالقادر قدمت دور صعب جدا جدا علي ناس كبار ما بالك طفله كان عندها ٨ سنين الدور صعب فعلا حقيقي لاكن ريم تفوقت علي نفسها وفعلا ريم بالرغم من أنها عندها ٨ سنين فأنت ممكن تقيم أداءها في الفيلم زي اي ممثل تاني

ريم عبدالقادر ومحمد ثروت فعلا قدموا أداء حلو جدا احييه عليهم مايا نصري نفس الشخصية الي في باقي افلامها مفيش جديد مها نصار قدمت دور حلو هاله فاخر عملت دور عظيم وايهاب فهمي بالرغم أنه مظهرش كتير بس ساب بصمه حلوه داخل الفيلم ضيوف الشرف ملهمش تأثير كبير بس يعني افتتاح الفيلم بمحمد جمعه كان كويس وكنت اتمني اشوف علاء مرسي اكتر من كدا في الفيلم كان هيدي طعم افضل للفيلم الفيلم لو كان دخل فيه مشهد كوميدي في النص كدا مشهد واحد كان هيضيف كتير بس مش مشكله بعني بداية موفقة لمعتز حسام في مشواره الفني الفيلم كبداية حلو الفيلم اكيد مش اجمد حاجه لاكنه تجربه حلوه استمتعت بيها واكيد افضل من أعمال تانيه كتير نزلت السنادي تجربه لذيذة وللعلم أن الفيلم ليه تكملة لسا زي ما كتبو بعد انتهاء الفيلم أن فيه جزء تاني ومنتظره واتمني يضيف حاجه

• 2 مفيد
• 0 غير مفيد