• Ahmed Amin
• 08:56 مساءً - 19 سبتمبر 2022
• نقد آخر لنفس المستخدم

لما شفت الاعلان وعرفت انه فيلم مهرجانات بطله سواق تريلا اتشديت بالفكرة وقلت كمان فيلم بيسلط الضوء على المهمشين فى المجتمع بدل الافلام والمسلسلات الى بتحكى قصص ناس لا تمثل المجتمع المصرى توقعت انه فيلم بنفس جودة " يوم الدين" او " على معزة وابراهيم " ولكن للاسف كاتب الفيلم ليس فى صف السائق ولكنه قدم نفس الصورة الطبقية الرخيصة للطبقات الكادحة الهمجية والعنف- مشاكل الغضب-العنف الاسرى-الزنا والانحلال- النفاق وبيذله بكل الطرق من اول البنت على الطريق لحد مراته واخوها الى مش قادر يمشى كلامه عليها لغاية الظابط حتى العيل الصغير مكنش محترمه ولغاية مشهد الجنس اظهره بالرجل صاحب الضعف الجنسى الكاتب احتقر الطبقة العاملة وصورها بابشع الصفات لصالح طبقة الساحل بدلا من ان يقف بجانب المهمشين كما تعودنا من الكتاب والمخرجين الى بينافسوا على جوايز ويشرفوا مصر المحصلة : فيلم عن المهمشين من منظور الاغنياء الى النسيان زى 200 جنية وافلام كتير فاشلة لانها لم تفهم هذة الطبقة

• 1 مفيد
• 0 غير مفيد