Rabbit-Proof Fence (2002) سياج ضد الأرانب
تدور أحداث الفيلم في بداية الثلاثينات، ثلاث فتيات من السكان الأصليين في الغرب الأسترالي، تقررن الهرب من بيوتهن بعد انتزاع منازلهن وإجبارهن على الخدمة في بيوت المدينة، فينطلقن في رحلة عبر المناطق...اقرأ المزيد النائية.
- ﺇﺧﺮاﺝ:
- فيليب نويس (مخرج)
- ﺗﺄﻟﻴﻒ:
- كريستين أولسن (مؤلف)
- دوريس بيلكنتون ()
- طاقم العمل:
- إيفيرلين سامبي
- تيانا سانسبري
- لورا موناجان
- ديفيد جولبيليل
- ديبورا ميلمان
- جايسون كلارك
- (المزيد)
- دليل المنصات:
مشاهدة اونلاين
تفاصيل العمل
تدور أحداث الفيلم في بداية الثلاثينات، ثلاث فتيات من السكان الأصليين في الغرب الأسترالي، تقررن الهرب من بيوتهن بعد انتزاع منازلهن وإجبارهن على الخدمة في بيوت المدينة، فينطلقن في...اقرأ المزيد رحلة عبر المناطق النائية.
المزيد- نوع العمل:
- فيلم
- التصنيف الرقابي:
- MPAA
- PG
- اللغة:
- الإنجليزية
- بلد الإنتاج:
- الولايات المتحدة
- هل العمل ملون؟:
- نعم
أراء حرة
[1 نقد]
كويس إلى حد كبير.. ومهم على الصعيد التاريخي
![Hossam Waleed]()
Hossam Waleed- 10:34 صباحًا - 8 ابريل 2017
- نقد آخر لنفس المستخدم
Hossam Waleedالفيلم الأسترالي عن قصة تلات بنات صغيرين (هجين) بين السكان الأصليين والسود.. أُجبروا علي إنهم يتاخدوا من أهلهم من قبل "الأمريكيين" ويروحوا مكان أشبه بمعسكر لتدريبهم علي الحياة الجديدة.. الفيلم متاخد من كتاب بنفس العنوان بيحكي قصة حقيقية حصلت في فترة الثلاثينيات ف أستراليا.. رحلة طويلة بيقوم بيها التلات بنات عشان يرجعوا لأمهاتهم.. وفي طريقهم بيواجهوا صعوبات العيش الأساسية علي مختلف الأصعدة. ترجع أهمية الفيلم لرسالته القوية عن العنصرية ومقاومة الإستبداد وبرضو التحلي بالأمل ودور الأخوة والعزيمة...اقرأ المزيد والصبر وإلخ.. علي الجهة الأُخري رمزيات الفيلم لا توصف بالهيّنة.. المعالجة السينمائية بتبيّن قد إيه العرق الأبيض مريض وجشع ولا إنساني.. العرق اللي واهم نفسه بإنه الإله علي الأرض وبإمكانيتة التحكم ف مصير البشر وفلسفتهم الساذجة وتمسكهم المُتزمّت بأعراف وقوانين عشان زي ما بيقولوا "ينشروا في العالم الخير وعدالة أفضل". فنياً، الفيلم بديع وغني جداً سواءً أولاً من الصورة البصرية اللي بتعكس مكان مُقفر وثقافة فريدة زي دي.. مع كادرات طويلة يغلب عليها اللون الأصفر الباهت لأنهم في الصحراء.. كادرات ركدت علي توضيح روعة البيئة وجمالها وتبيين ثقافة البدو اللي عايشين هنا من خلال قوة الصورة.. ثانياً الموسيقى التصويرية الجميلة جداً اللي فيها من نزعة المكان والثقافة ما يجعلها في تناغم قوي مع الصورة..وإترشح عنه لجايزة الجولدن جلوب سنة ٢٠٠٢. الإخراج ف فيلم زي ده.. (مُقتبس عن قصة واقعية وفيه ٣ ممثلات صغار ف السن محور قصة الفيلم) أكيد كان غاية في الصعوبة، بس المخرج عمل شغل كويس وعرف ينقل الكتاب لقصة ممتعة سينمائياً وغاية في الأهمية علي صعيد الرسالة والإسقاطات الرمزية ع الواقع.. لكن أهم دور ليه هوّا قيادة الممثلات اليافعات دول ف إخراج مشاعر وتمثيل منهم عاطفي وواقعي جداً. قد يعيب الفيلم بسّ حاجتين: الرغبة في رؤية مظاهر عنف أقوي من اللي ظهرت في بداية الفيلم للتعاطف أكتر مع الشخصيات باقي مدة الفيلم.. ف نصه التاني حسيت شوية بجانب الملل ف السرد وكان تسلسل الأحداث تقليدي ومتوقع.. وكنت عايز أتشد مع القصة أكتر بإن يكون في حبكة أقوي أو ما شابه.
