أراء حرة: فيلم - White House Down - 2013
منOlympus Has Fallen إلى White House Down ياقلبي لا تحزن
![دعاء أبو الضياء]()
دعاء أبو الضياء- 12:00 صباحًا - 11 سبتمبر 2013
- نقد آخر لنفس المستخدم
دعاء أبو الضياءلو فكرت تعد الأفلام اللي اتكلمت عن السياسية الأمريكية وخاصة قدرة أمريكا في محاربة الإرهاب هتحتاج وقت طويل أوي عشان تحصى كل الأفلام اللي تناولت التيمة دي، ولو فكرت تجمع اﻷفلام اللي عرضت عمليات أرهابية على البيت الأبيض هتحتاج نفس الوقت والمجهود؛ عشان كدا متفكرش كتيير ﻷن تقريبا هوليوود أصبحت فقيرة فنية ومافيش أي جديد ممكن تقدمه... اللي ممكن يجذبك للفيلم ويخليك تفكر مش السبب اللي دفع بالمخرج (رولاند ايمريش) في تقديم عمل زي فيلم White House Down؟ خاصة أن القصة مستهلكة ومكررة بشكل كبير، حيث تدور...اقرأ المزيد حول مجموعة إرهابية بتسطو على البيت اﻷبيض في محاولة منها لخطف الرئيس الأمريكي... ومن هنا مش هتتكلم على القصة اللي ممكن نقول إنها قدمت قبل شهر من عرض فيلم أيمرش وكانت تحت عنوان Olympus Has Fallen للمخرج انتونى فوكوا ودارت في نفس الإطار ، وطبعا مش هتنسى نفس التفاخر في قدرة أمريكا في القضاء على الإرهاب وإنها حامي الديار، والمستهدف الوحيد في العالم، ولكن إيه الجديد في الفيلم !! (لا يوجد) وللأسف أعتقد أن مستوى فيلم إيمريش كان أقل بكتير أوي من فيلم فوكوا بالرغم من أن الفيلمين أعتمدوا على شخصيات قوية زي جيرارد باتلر ، مورجان فريمان، وأشلي جود (بالرغم من دورها الصغير)بفيلم Olympus Has Fallen، وتشانينج تاتوم وجيمي فوكس بفيلم White House Down فنلاحظ دائما محاولة عرض عضلات البطل وأنه يقدر منفردا إنقاذ البيت الأبيض من اﻹرهاببين كإنه مثلا (مازنجر) و"اللي يزيد الطين بلة" ويستفزك وتحس معاه باستخفاف العقل إنه يخلي الرئيس الأمريكي هو كمان مفتول العضلات وكأنه واخد تدريب فرقة 999 العمليات الخاصة، باﻹضافة إلى نفس الخطوط الفرعية في إن الخاين أقرب شخص للرئيس، وسهولة اختراق أمن مكان زي البيت اﻷبيض...... يمكن الحاجة اللي عجبتني بالفيلم هي المشاهد اللي تناولت معلومات عن البيت الأبيض ورؤساءه والتقنية الفنية المستخدمة، اعتقد إن الفيلم مقبول وممكن تتفرج عليه في وسط الأسبوع ومش هيستاهل منك تركيز كبير
