Wuthering Heights  (2026)  مرتفعات ويذرينج

أراء حرة

 [1 نقد]

مرتفعات ويذرينج 2026: جمال بصري يخون روح العشق الخالد

• دعاء أبو الضياء
• 05:06 صباحًا - 29 مارس 2026
• نقد آخر لنفس المستخدم

من الصعب التعامل مع عمل مثل Wuthering Heights دون أن تلاحقه ظلال تاريخه الطويل في السينما. الرواية الكلاسيكية لإميلي برونتي اللي قدمت عشرات المرات، من النسخة الأيقونية بطولة لميرل أوبيرون ولورانس أوليفيه وإخراج ويليام ويلر ، إلى نسخة 1970 مع آنا كالدر مارشال تيموثي دالتون . لذلك، المقارنة هنا ليست فقط حتمية، بل قاسية. أول حاجة لازم تتقال بصراحة: الفيلم شكله حلو أوي وواضح إن إميرالدفينيل كانت مركزة جدا على الشكل البصري، التصوير، الألوان، الأزياء، المكياج… كله معمول بحرفية عالية، في لقطات كدا...اقرأ المزيد تحسها لوحة فنية، وده يخلي الفيلم ممتع بصريا جدا. بس المشكلة بقى… إن كل ده جاي على حساب الإحساس: فالقصة طبعا معروفة: كاثرين بتحب هيثكليف حب صعب ومليان تعقيدات، وبينهم تاريخ طويل، وبعدين تدخل في صراع بين الحب ده وبين حياة مستقرة مع شخص تاني،.كل ده موجود… بس مش حاسس بيه بنفس القوة اللي شفناها قبل كدا. نيجي بقى للأداء التمثيلي:مش هقدر أقول إن الأداء وحش، بالعكس الاتنين ممثلين شاطرين جدا، مارجوت روبي عملت شغل كويس ووصلت مشاعر كتير صح، بس برضه طول الوقت حاسس إنها مش “كاثرين” أوي،أما جاكوب إيلوردي، فكان أداؤه مقبول، لكن برضه مش تقيل بالشكل اللي يخلي شخصية هيثكليف تعيش معاك. وأكبر مشكلة بصراحة؟ مفيش كيميا بينهم.وده كارثة في فيلم قائم أساسا على علاقة حب مشتعلة ومعقدة. المفروض تحس إنهم مش قادرين يعيشوا من غير بعض… لكن هنا الإحساس ده مش واصل. لو هقارن النسخة دي بالنسخ القديمة، هقول ببساطة:زمان يمكن الإمكانيات كانت أقل، بس الإحساس كان أعلى بكتير، هنا العكس… كل حاجة شكلها حلو، بس القلب مش حاضر. في النهاية، الفيلم مش سيئ خالص، وممكن تستمتع بيه لو بتحب الشكل الجمالي والأفلام الهادية بصريا، بس لو هتتفرج ومستني تعيش نفس الحالة العاطفية القوية بتاعة الرواية… غالبا هيكون ناقصك حاجة. تقييمي للفيلم: 5/10... فيلم شيك جدا… بس مش مؤثر زي ما المفروض يكون.

• 0 مفيد
• 0 غير مفيد

أضف نقد جديد