Gator Face (2026) وجه التمساح

أراء حرة

 [1 نقد]

مين قال إن ده فيلم رعب؟

• دعاء أبو الضياء
• 02:19 مساءً - 10 اكتوبر 2026
• نقد آخر لنفس المستخدم

في أفلام رعب بتكون ضعيفة، وفي أفلام بتخليك تتساءل إزاي اتعملت واتعرضت أصلا! وفيلم Gator Face من النوع التاني، لأنه ببساطة واحد من أسوأ الأفلام اللي شوفتها الأسبوع ده، وتجربة مش عارفة أصنفها رعب ولا كوميديا من كتر ما كل حاجة فيه مضحكة، حتى الحاجات اللي المفروض تخوفنا! الفيلم من تأليف وإخراج Padraig Reynolds، وتدور أحداثه حول مجموعة من الأصدقاء بتتحول إجازتهم في فلوريدا إلى كابوس دموي، بعد ما يلاقوا نفسهم مطاردين من مجموعة من المتعصبين لعقيدة وحشية، بيقدموا قرابين بشرية لإله مرتبط بالكائنات...اقرأ المزيد الزاحفة. على الورق، الفكرة ممكن تطلع منها حكاية رعب دموية ومليانة توتر، لكن المشكلة إن Gator Face بيفشل تقريبا في كل حاجة ممكن تخلي فيلم الرعب قابل للمشاهدة. من القصة والسيناريو، للتمثيل والإخراج والمونتاج، تحس إنك بتتفرج على فيلم من أفلام الفيديو القديمة، مش فيلم معمول علشان يتعرض على الجمهور بالشكل ده. المشكلة مش إن الفيلم قليل الإمكانيات أو إن فكرته مش جديدة، لكن إن مفيش أي عنصر قادر يعوض ضعف العناصر التانية. التمثيل مضحك، والإخراج مش قادر يخلق أجواء مرعبة أو حتى توتر حقيقي، والسيناريو نفسه مش بيقدم حاجة تشدك أو تخليك مهتم بمصير الشخصيات. لكن الكارثة الحقيقية هي المطاردات! المفروض إن مطاردة مجموعة من القتلة لأشخاص بيحاولوا النجاة تكون من أكتر اللحظات اللي تحبس الأنفاس، لكن هنا المشاهد بتتحول لمواقف مضحكة بشكل يصعب تجاهله. لو بتدور على فيلم رعب يخوفك أو حتى يشد انتباهك، فغالبا مش هتلاقي ده هنا. أما لو بتحب تتفرج على فيلم وتستغرب إزاي كل مشهد فيه ممكن يطلع أسوأ من اللي قبله، فـ Gator Face ممكن يكون تجربة مناسبة ليك، بس مش بالمعنى اللي صناعه كانوا يقصدوه!

• 0 مفيد
• 0 غير مفيد

أضف نقد جديد