• ahmed hammam
• 11:39 صباحًا - 27 مارس 2022
• نقد آخر لنفس المستخدم

📌 السينما الأوروبية بقالها فترة بتنزل الافلام بتاعتها تحت عنوان ( البحث عن الآله ) وده فيلم دينماركي تناول الموضوع ده الحقيقة بشكل كويس جداً ومسك موضوع معين وهو هل كل الحاجات ديه صدفة ؟ ويعني ايه صدفة اصلا وازاي صدفة تأدي لصدفة تأدي لصدفة ... 📌 الفيلم مكتوب كويس جداً والمونتاج سلس والاخراج حلو والتمثيل تحفةةةة بس بجد اللي تفوق على كل ده السيناريو .. السيناريو جبار في كل حاجة .. في رسم شكل الشخصيات .. في تكوين الشخصيات .. في ربط الشخصيات ببعض .. في تطور الشخصيات على مدار الفيلم .. في كشف ماضي الشخصيات على هيئة جُمل عابرة وحتفرق في احداث الفيلم .. بجد سيناريو يعني تحفة المفروض كان يرشح لأوسكار 📌 كادرات الفيلم والتجمع في اغلب المشاهد يحسسك بدفء فظيع كأنك قاعد معاهم او واحد منهم غير الدروس التربوية في الفيلم بردو غير الصداقة غير كل حاجة الفيلم فعلاً يستحق المشاهدة ومش حطول عليكو . 📌 نبذة عن قصة الفيلم : بعد وفاة زوجته في حادث مأساوي يسافر ماركوس عبر القطار إلى موطنه لرعاية ابنته ماتيلدا ولكن سرعان ما يكتشف أن مقتل زوجته لم يكن مجرد حادث حينما يظهر عالم رياضيات عبقري ورفيقيه على متن القطار 📌 رغم اني مش من محبين الاكشن وان الفيلم ده رغم انه مصنف اكشن بس فعلاً لقطات الاكشن قليلة جداً تكاد تكون مش موجودة وسط الكوميدي والدراما اللي في الفيلم .

• 0 مفيد
• 0 غير مفيد