منير يبدأ حفله يـ''حدوتة مصرية'' وينهيه بـ''ازاي''

أحيا الفنان الكبير محمد منير، أمس الجمعة، حفله الغنائى في احدى القرى السياحية بالساحل الشمالى، وسط حضور مكثف يزيد على 50 ألف شخص، وقد صعد منير على المسرح فى تمام الساعة الواحدة صباحا، بعد تأخر أكثر من ساعتين عن الموعد المحدد من قبل، وقيل أن ذلك بسبب الاشتباكات التى وقعت بين البودى جارد والبدو الذين كانوا يقومون بتأمين مكان الحفل من الخارج.

بدأ الحفل بأغنية "حدوتة مصرية" وتبعها ببعض الأغاني قبل أن يتوقف للحديث مع جمهوره قائلا "مالكوا يا مصريين خايفين من إيه.. ولا حاجة صدقونى للمرة الثانية هقول حاجة.. متبصوش للصورة الصغيرة.. متبصوش للإخوانى أو السلفى.. إحنا اللى مش عايز يكون معانا فى "البحر الأحمر" يعدى.. وفى كمان "المحيط" موجود وإحنا قررنا وصممنا إننا نكون مصريين.. واللى جاى أحلى وكل يوم السموم بتطلع.. والمريض بيشفى ودوروا حوليكم وأنتم هتعرفوا مين اللى مش عايز البلد دى تطلع وتكبر".
وعندما قدم منير أغنية "يونس" قال معقبا عنها "لكل يونس فينا للشهداء و"خالد سعيد" واللى موجودين فى التحرير واللى موجودين فى جميع محافظات مصر"، واختتم حفله الغنائى بأغنية "إزاى" وسط سعادة محبيه.