أحمد حلمي ينعي شهداء مذبحة الدفاع الجوي.. وأيمن بهجت قمر يوجه رسالة للرئيس!

حلمي

نعى النجم أحمد حلمي شهداء مذبحة استاد الدفاع الجوي، والذي راح ضحيتها أكثر من 20 شابًا من جمهور نادي الزمالك، بحسب تقديرات وزارة الصحة حتى الآن.

وكتب حلمي عبر صفحته الرسمية بموقع التواصل الاجتماعي "فيس بوك": "ربنا يرحم الشباب اللي ماتوا ويارب أسكنهم فسيح جناتك، ويارب صبر أهاليهم وهون عليهم حزنهم، يارب أحفظ مصر وأهل مصر من كل شر".

أما الشاعر أيمن بهجت قمر فقد أعرب عن استيائه، موجهًا رسالة للرئيس عبدالفتاح السيسي عبر حسابه الشخصي بموقع "فيس بوك" كتب فيها: "أنا واحد من الناس اللي أيدوك في 30/ 6، لأني كنت بدور على أمان مالقيتوش مع الإخوان، أنا واحد من اللي شجعوا نزولك الانتخابات لأني شفت فيك برضه الأمان بسبب الأوضاع اللي البلد فيها واحتياج الشعب اللي أنا منه لرئيس الناس تحبه عشان تصبر عليه وتقف معاه".

وتابع: "اللي مش بيحبك أو واخد منك موقف كده كده خلاص مهما عملت مش هيقف معاك بل بالعكس بيتمنى ماتنجحش في مهمتك، لكن أرجوك، يا رئيس مصر ياللي بتحكم الفراعنة، بحكم مسؤوليتك مش نواياك، حافظ على اللي بيأيدك وآمن بيك وابتدى مايحسش بالأمان".