​زينة لـ "أحمد عز": "فيلمك فشل.. وتصرفاتك لا تمت للرجولة بصلة"

زينة

وجهت النجمة زينة انتقاد لاذع للنجم أحمد عز بعد تصريحات الأخير للصحافة المصرية، والتي نفى فيها حقيقة نسب أولاد زينة له، بعدما قضت بذلك المحكمة.

وجاءت رسالة زينة عبر حسابها الشخصي بموقع تبادل الصور والفيديوهات "إنستجرام"، قائلة: "أسفة لجمهوري الغالي اللي وعدته إني مش هاذكر المدعو ده تاني بس كمان أنا مش هسكت لأي كلمة تتقال كدب زى ما وعدتكوا".

وتابعت: "دي رسالة مني ردا على البيان المسمى بحوارات صحفية للمدعو أحمد عز أحب أقوله مش لأن فيلمك فشل والناس مش طايقة تشوفك، لأنك ببساطة تصرفاتك لا تمت للرجولة بصلة".

وأضافت: "أحب أقولك استرجل وبطل تجيب اسمى واعرف أن فى حكم محكمة وتحترمه غصب عنك لأنه حكم رجع لولادك حقهم وبكرة يكبروا ويعرفوا أنك حتى ما تستهلش تكون بنى آدم.. لم نفسك وكفاية رخص وابعد عننا بكدبك الرخيص، وبدل ما تروح تشتكى وتعيط فى كل مكان وتعمل شكاوى وتشغل ناس بكدبك احترم حكم المحكمة، أو هات دراعك ناخد منه شوية دم نعمل التحليل دي_ان_ايه dna، ده لو عندك أصلا".

واختتمت زينة رسالتها قائلة: "ولاد عز مش هما سبب فشل ولاد رزق.. والمرة الجاية لو فتحت بقك علينا تاني، عليا أنا وولادك انتظر المفاجأة فى الوقت المناسب كالعادة.. وأخيرا وأنا عارفه أنه صعب، أحمد عز حاول تكون محترم، وأخيرا والحمد لله ربنا ظهر الحق وجاب لنا حقنا ابعد عننا بقى وحسبى الله ونعم الوكيل".