بالصورة: هاني عادل يوضح حقيقة "التاتو" الخاص به!

هانى عادل

كشف الفنان والمطرب هاني عادل عن حقيقة التاتو المرسوم على ذراعه الأيسر، والذي اعتبر البعض أنه يدل على دخول عادل في حالة اكتئاب شديدة.

ونفى هاني عادل هذا التفسير جملةً وتفصيلًا، موضحًا أن "التاتو"، الذي حمل شكل "فاصلة منقوتة"، معناه أن القصة لم تنته بعد وكل نهاية بعدها نهاية جديدة، واستمرارية الحياة وعدم وقوفها لسبب ما أو على أي شخص.

وكتب هاني على صفحته الرسمية بموقع "فيس بوك": "إزيكم جميعا، فيه بوست اتعمل قريب عن التاتو اللي أنا عامله على شكل فاصلة منقوطة، وصاحب البوست ده ادعى إني مكتئب وعايز أنتحر، الفاصلة المنقوطة معناها إن القصة لسة ماخلصتش وكل نهاية فيه بعدها نهاية جديدة والحياة لازم تستمر ومابتقفش على حاجة أو على حد".

وأضاف هاني: "عملت التاتو ده يوم عيد ميلادي بعد ما قريت عنه وعن الحركة العالمية اللي معمولة لمساعدة الناس، اللي عندها اكتئاب وبعضهم حاول الانتحار، كنوع من أنواع التضامن ورسالة بأن دايما فيه أمل.. بس كدة".

وتابع: "كلنا عرضة للاكتئاب، بس الحمد لله دايما بقاومه وعمري ما فكرت أنتحر ولا أنهي حياتي لأن ببساطة فيه حاجات كتير قوي لِسَّه معملتهاش وعندي أمل أعملها، يعني التاتو ده مش علامة اكتئاب بالعكس ده علامة بتقول إن فيه أمل".