رامي جمال يدعم تامر حسني بعد تسريب ألبومه

رامي جمال

دشن المطرب الشاب رامى جمال حملة بعنوان "ادعم تامر" لدعم النجم تامر حسني، بعد تسريب ألبوم الأخير "عمرى ابتدا" قبل طرحه باﻷسواق، مطالبًا جمهوره بالاستماع إلى اﻷلبوم من قناة تامر حسني الرسمية على موقع "يوتيوب"، وذلك لحين طباعة الألبوم وتوزيعه في السوق.

وقال جمال في عبر صفحته الرسمية بموقع التواصل الاجتماعي "فيسبوك ": "أكتر شيء محبط ومؤذي ومتعب لأي فنان أو أي إنسان عادي حتى، إنه يشوف مجهوده وتعبه وإنتاجه وإخلاصه موضع استهتار واستخفاف وإهمال، والأصعب أنه يكون من ناس قريبة منه والمفروض إنها أمينة على شغله ومجهوده، الضربة اللي مابتموتش بتقوي وخصوصًا لما اللي ياخد الضربة أصلًا قوي".

وأضاف "اللي حصل مع صديقي واخويا تامر حسني من استهتار في التعامل مع شغله ونتج عنه تسريب الألبوم قبل ميعاده موضوع محتاج وقفة كبيرة وإعادة ترتيب أولويات وحسابات، بس في الآخر نحمد ربنا على اللي حصل وتامر أقوى من الهزة دي".

واستطرد "اللي نقدر كلنا نعمله أننا ندعم فيديوهات الأغاني من على قناة تامر حسني الرسمية لحين طباعة الألبوم ونزوله في السوق، وأرجو من الجميع وخصوصًا اللي بيحبوني أو متابعيني أنهم يشتروا السي دي الأصلي فور نزوله، وده دعم لفنانك المفضل عشان يقدر يستمر فى أنه يقدملك المنتج اللي بتحبه، وأرجو المشاركة بالهاشتاج ده #ادعم_تامر".