مي كساب تطرح أغنية "حبيبة قلبي" في عيد الأم

مي كساب

أعلنت الفنانة والمُطربة مي كساب عن طرح أغنية جديدة في عيد الأم بعنوان "حبيبة قلبي"، من كلمات وألحان عزيز الشافعي، وتوزيع وسام عبد المنعم، هندسة صوتية مصطفي رؤوف وإنتاج لامب إستديوز "عزيز الشافعي".

وكتبت مي عبر حسابها الشخصي بموقع "إنستجرام": "طول عمري بخاف جدًا أغني أغنية وطنية أو أغنية للأم، بحس إن في عندنا في التاريخ الموسيقي أغاني مهما عملنا مش هتيجي أبدًا في مستواها وطول عمري بحب أغني كلمات مش معتادة وألحان سهلة وبسيطة تتحفظ بسرعة من غير فذلكة".

وأوضحت "مي": "يمكن الحظ ما ساعدنيش أني أخد حقي كمطربة، بس ده مش ذنبي للأسف، إحنا بنفتقد المنتج الموهوب الفنان المنتج اللى يهتم بموهبة حقيقية ويعرف يستغلها صح، معظم أو كل النجاحات اللي موجودة على الساحة اجتهاد فردي بحت فاقد لروح وجهد المجموعة وده مش صح، الفنان محتاج لمؤسسة تدعمه وتشتغل عليه وده اللي بتمناه وعندي أمل كبير جدًا أن هيظهر المنتج الفنان وياخدنا على حصانه الأبيض".

وكشفت "مي": "لحد ما ده يحصل باوعدكم السنة دي إن شاء الله بأغاني غير معتادة ومفاجآت كتير ليا على مستوى الغناء، هبتديها معاكم بأغنية عيد الأم اللي أول ما سمعت لحنها قولت لعزيز أيوه بقى يا بليغ، أغنية (حبيبة قلبي) كلمات وألحان عزيز الشافعي، توزيع وسام عبد المنعم، هندسة صوتية مصطفى رءوف".