دنيا سمير غانم تدعم حملة اليونيسيف "الطفل اللاجيء زي كل طفل"
- خبر
- 10:40 مساءً - 9 يونيو 2017
- 1 صورة
- كتبه إيهاب على عبد الكريم تابع
-
دعمت النجمة دنيا سمير غانم، حملة اليونيسيف "الطفل اللاجيء زي أي طفل"، وكشفت ما يعانيه هؤلاء الأطفال في حياتهم، وطالبت بالتبرع لهم للتخفيف عن معاناتهم.
وكتبت "دنيا" عبر حسابها الشخصي بموقع "إنستجرام" :"كل يوم أطفال كتير مجبرين يخرجوا من بيوتهم وبلادهم على أمل يلاقوا الحياة والأمان في بلاد تانية بعد ماضاع الأمان من بلادهم".
وأضافت "دنيا" :"اللاجئين مشكلتهم بتزيد مش بتقل، فيه تقرير جديد لليونيسف بيقول إن عدد الأطفال اللاجئين اللي بيسافروا لوحدهم اتضاعف 5 مرات من 2010.. متخيلين يعني إيه أطفال تتساب لوحدها في البحر وتواجه الرعب والموت لأنهم مش قادرين يعيشوا حياة طبيعية زي كل طفل؟".
وتابعت "دنيا" :"نفسي الناس كلها تعرف المعاناة والمخاطر اللي بيتعرض لها الأطفال اللاجئين بسبب الحروب والصراعات اللي بتهدد حياتهم وتخليهم عرضة للموت، ده غير الاستغلال الجنسي في الهجرة غير الشرعية، وبتهدد كمان مستقبلهم مع عدم وجود عائل ليهم أو ضياع فرصتهم في التعليم أو انعزالهم عن المجتمعات الجديدة اللي بيعيشوا فيها".
واختتمت "دنيا" قائلة :"أنا بدعي ربنا واحنا في الشهر الكريم، إن السنة الجاية تكون أحسن للأطفال اللاجئين ولكل الأطفال في العالم. وإحنا لازم نعمل اللي نقدر عليه، واللي يحب يتبرع ويدعم مجهود اليونيسف لتخفيف معاناة الأطفال ممكن يشارك عن طريق اللينك ده".
