شريف منير يكشف عن أسباب تقديم جزء ثاني من مسلسل "الزيبق"

شريف منير

رد الفنان شريف منير على بعض الأشخاص ممن يروا أنه ليس هناك داعي لتقديم جزء ثاني وجديد من مسلسل "الزيبق"، الذي نافس في موسم الدراما الرمضانية.

وكتب "منير" عبر حسابه الشخصي بموقع "فيسبوك" قائلًا: "في سؤال من صديق بيقول.. إن الدراما فى مسلسل "الزيبق" أخدت حيّز كبير على حساب الأحداث المخابراتية فى المسلسل.. وده كان ردّي".

وأضاف: "حضرتك طرحت سؤال فى أول الكلام.. على أي أساس قرر الإنتاج إن القصة تحتاج جزئين؟؟ أنا بقه عندى نفس السؤال لحضرتك.. على أي أساس حضرتك قررت إن القصة مش محتاجة جزئين؟ هل حضرتك على علم بتفاصيل قصة "الزيبق" اللي الملخص بتاعها عند خمس أطراف فقط.. المخابرات العامة المصرية.. وائل عبدالله.. كريم عبد العزيز.. وليد يوسف.. والعبد لله".

وتابع شريف منير موضحا: "عملية (الزيبق) اللي تفاصيلها أنا والأربع أطراف السالف ذكرهم عرفينها كويس.. من رابع المستحيلات تتلم فى جزء واحد.. وده بسبب كثرة الأحداث وسخونتها.. وتم فعلاً نقاش بَيَّنَّا على الجزء الدرامي.. فوجدنا بما إن العمل فى كل الأحوال لازم يخرج على جزئين.. فيتعمل بالبلدي كده على نار هادية ما يتسلقش.. الشاهد.. أنا رأئيّ إن أى حد شايف إن الأحداث كان ممكن تتلم فى تلاتين حلقة.. لازم يكون على علم بالقصة أولا علشان يحكم صح".

وأردف شريف منير: "وفى سبب مهم جدا.. الناس مستعجلة تدخل فى الأحداث على طول.. عايزين سسبنس ومخابرات بسرعة.. ونجيب من الآخر.. ودة في إعتقادى حيفقد العمل عنصر التشويق ............ المسلسل من أول لحظة معروف إنه على جزئين.. وكل حاجة كانت لازم تاخد حقها صح تمهيدا للسخونة إللي إن شاء الله في الجزء التاني.. اللعب حيكون سخن جدا.. تحياتي".

مسلسل "الزيبق"، قصّته مأخوذة عن ملفات المخابرات العامة المصرية، وهو من بطولة النجم كريم عبدالعزيز وشريف منير وإدوارد وريهام عبدالغفور ومحمد شاهين وهادي الجيار وهو من تأليف وليد يوسف وإخراج وائل عبدالله.