عمرو مصطفى لعمرو دياب: "الصيف ما يبقاش صيف من غيرك"

عمرو مصطفى

وجّه المُلحن والمُطرب عمرو مصطفى رسالة حب وتقدير واحترام للنجم عمرو دياب رغم خلاف دام بينهما عدة سنوات.

وكتب عمرو عبر صفحته الرسمية بموقع "فيسبوك" قائلًا: "عمرو دياب، الصيف ما يبقاش صيف من غيره، هو مش بس أستاذي، هو صديق وأخ من أول ما مسكت الجيتار، من أول ما كنت أنا وأصحابي ما نفوتلوش ولا حفلة".

وأضاف: "سوء التفاهم بيحصل بين كل الناس لكن أنا عمري ما قلت أو لمحت حتى بأي إهانة ليه بالعكس كنت مدافعا عنه دايما حتى في وقت بعدنا عن بعض".

وتابع "أنا لازم أعترف بعد اللي وصلت ليه بفضل الله إنه كان سبب كبير في شهرتي، إيمانه بيا وبموهبتي كان دايما حافز ليا إني أبدع.. عمري ما سمعت إنه قال كلمة وحشة عني لأنه إنسان راقي قبل ما يكون فنان راقي".

واختتم "خلافتنا كانت بسبب شركة إنتاج مش أي حاجة تانية.. كنت ولا زلت بتعلم منه وبستنى جديدة زيي زي الملايين من جمهوره اللي ذكراياتنا كلها على أغانيه.. مستنيين ألبوم الهضبة عمرو دياب".