بهاء الدين محمد يوجه نصيحة لشيرين عبدالوهاب بعد تصريحاتها ضد "الهضبة"
- خبر
- 10:02 مساءً - 31 يوليو 2017
- 1 صورة
- كتبه إيهاب على عبد الكريم تابع
-
وجّه الشاعر بهاء الدين محمد نصيحة لصديقته المُطربة شيرين عبدالوهاب التصريحات النارية التي أطلقتها ضد النجم الكبير عمرو دياب.
وكتب بهاء الدين عبر حسابه الشخصي بموقع "فيسبوك" قائلًا: "عزيزتي شيرين عبد الوهاب.. إنتى عارفة أنا بعزك قد إيه، ودافعت عنك كتير.. وف نفس المكان اللى دافعت عنك فيه لحظة خلافك مع الفنان الملحن عمرو مصطفى، لازم دلوقتي أقولك: لأ.. وكفاية.. وصمت.. !؛ لأن عمرو دياب كيان كبير ومن الصعب تكراره.. ده غير إنه واجهة لينا وللوطن العربي كله".
وأضاف: "وحتى لو حصل خلاف معاه لازم يكون بشكل لائق وغير معلن..!!؛ لأننا بالفعل عمرنا ما سمعناه ولا شوفناه بيغلط في حد أو زميل، ده غير إن ماحدش فاهم ولا عارف هو عملك إيه؟!! ودي المشكلة.. وانتى والكل عارفين إنى أكبر وأصدق من إني أجامل أو أنافق حد فيكم.. علشان كده لازم أقولك (( كفاية يا شيرين )) وخلي بالك وما تخسريش جماهيره اللى تجاوزت 90% من المجتمع العربي ويمكن أكتر.. والمطلوب منك الصمت لأن الوقت مش وقت اعتذار".
