أمير عيد يدافع عن محمد رمضان بعد تصريح إسماعيل يس

أمير عيد

دافع المُطرب أمير عيد، عضو فريق "كايروكي"، عن الفنان محمد رمضان، بعد تصريحه المثير للجدل المنسوب إليه في أحد الصحف المصرية بأن أفلام الفنان إسماعيل ياسين في الجيش أساءت للجندي المصري.

وكتب "عيد" عبر صفحته الرسمية بموقع "فيسبوك" قائلًا: "الناس مقموصة من الفنان محمد رمضان بسبب تصريحاته ضد أفلام إسماعيل ياسين ... أنا مش فاهم هو فيها إيه لو في حد عنده وجهه نظر ضد أفلام إسماعيل ياسين".

وتابع: "وإيه المشكلة لو في حد مش بيحب أم كلثوم أو عبدالحليم هما مش مقدسين ولا هما فرض علينا ومش من الثوابت في النهاية كل إنسان حر في رأيه مش لازم تفرضوا أرائكم على البشر وكفايه جو الترهيب".

وأضاف: "بتاع ده وفلان خط أحمر وعلان خط أخضر وده الهضبة وده الكينج، اكبروا بقي كده وبطلوا عياط وحاولوا تتعالجوا من الانسيكيوريتيز اللي عندكم ... ملحوظة أخيرة أنا بحب إسماعيل ياسين وأم كلثوم وعبدالحليم جدًا وعمري ما شفت فيلم لمحمد رمضان".