محمد إمام يعلق على أزمة أحمد الفيشاوي بمهرجان الجونة

محمد إمام

علق النجم محمد إمام على أزمة صديقه الفنان أحمد الفيشاوي بعد الكلمة غير اللائقة التي قالها في حفل افتتاح الدورة الأولى لمهرجان الجونة السينمائي.

ونشر "إمام"، صورة "الفيشاوي" عبر حسابه الشخصي بموقع "إنستجرام" وكتب قائلًا: "أنا بحب أحمد الفيشاوي.. مشكلة أحمد أنه عايش بدماغ غربي في مجتمع شرقي متحفظ جدًا، بيغلطوا اه بس ما يحبوش اللي بيحبوهم يغلطوا.. أنا عشت مع أحمد أياما في بيت الأستاذ فاروق الفيشاوي ومدام سمية الألفي وماشفتش منهم غير كل حب.. الأستاذ فاروق من ألطف الشخصيات اللي ممكن تشوفها في حياتك، ومدام سمية من أجمل الأمهات ( ده غير أن أول مسلسل ليا في حياتي كان مع الاتنين دول)".

وأضاف: "وعلى فكرة أحمد الفيشاوي ده من أقوي الممثلين اللي في مصر.. سيبوه يعيش حياته زي ماهو عاوز وانتوا عيشوا حياتكم زي مانتوا عاوزين.. البوست ده مش دفاعًا عن أحمد، هو فعلًا غلط واعتذر، بس كان في كلمتين لازم اقولهم بحق العيش والملح والعِشرة اللي بيننا".