صور وفيديو | حسن الرداد يفي بوعده ويزور الطفل محمد في مستشفى 57357
- خبر
- 10:55 صباحًا - 1 اكتوبر 2017
- 1 صورة
- كتبه إيهاب على عبد الكريم تابع
-
أوفى النجم حسن الرداد بوعده وزار الطفل "محمد" المريض بالسرطان، والذي كان يريد رؤيته ومقابلته.
ونشر "الرداد" فيديو وصور عبر حسابه الشخصي بموقع "إنستجرام" من داخل مستشفى سرطان الأطفال أطفال 57357 برفقة الطفل محمد، الذي كان سعيدً للغاية برؤيته.
وكتب الرداد في تعليقه على الصور، قائلًا:"النهاردة روحت مستشفى 57357، بعد ما كلمنى صديق ماشفتوش من 7 سنين اسمه خالد الشرقاوي، وقالي إن فى طفل اسمه محمد، بيحبك جدًا وعايز يشوفك والمناعة عنده 300 فقط (ودي طبعًا قليلة جدًا) وبعت لي ڤيديو ولما رديت عليه بڤيديو المناعة عنده زادت ل3500 و النهاردة المناعة بتاعته وصلت ل4500 بعد ما الدكاترة كانوا بيقولوا كلام علميًا عكس كده".
وأضاف الرداد :"لما روحت وقابلته شفت ولد ماشاء الله زي القمر، ذكي جدًا، فاهم في حاجات كتير أكبر من سنه وبيحتوي اللى حواليه، دمه خفيف جدًا و موهوب، لماح بشكل مش طبيعي، اتكلم معايا في حاجات كتيرة أنا مش عارف هو فاهم فيها ازاي، ماشاء الله عقله اكبر من سنه بكتير تحس ان عندك 20 سنة واكتر".
وتابع حسن:"أنا اتعلمت منه حاجات كتير النهاردة، اتعلمت الإيمان والصبر على الابتلاء ومواجهة المشاكل بالابتسامة والرضا الشديد بقضاء ربنا والطاقة الإيجابية اللي بيديها لكل اللى حواليه، اللي كان مزعله بس إن الأطفال فى المدرسة لما عرفوا إنه تعبان كانوا بيتريقوا عليه فيا ريت اﻷهالي يفهموا أطفالهم إن دي قلة أدب".
واختتم الرداد كلامه، قائلًا:" يا محمد أنا بحبك جدًا جدًا، ربنا يشفيك يا حبيبى انت وكل اطفالنا وإن شاء الله هتيجي تمثل معايا في رمضان زى ما وعدتك، و شكرًا على الهدية الجميلة دي، هجيلك تاني قريب، يا ريت كل واحد يتبرع بجزء من وقته لاطفالنا الجمال دول عشان ده شئ كبير جدًا بيهون عليهم القعدة بتاعتهم في المستشفى".
