صورة| ميريهان حسين بالمستشفى وتعلق "السوشيال ميديا ليست كل جوانب حياتنا"

نشرت الفنانة ميريهان حسين صورة لها من داخل المستشفى أثناء تلقيها العلاج والإسعافات الأولية.

وكتبت ميريهان على الصورة "أولًا الحمد لله على كل شيء، ثانيًا أنا عايزة أقول إن الصور أو الفيديوهات اللي فيها مظاهر سعادة مش معناها إن الحياة كلها ضحك وفرح، ومش معنى إن السوشيال ميديا وسيلة تواصل بين الناس إن إللي بيتعرض فيها هو كل جوانب حياة أى حد ده جزء بسيط منها".

وتابعت ميريهان حسين "وأنا شخصيًا كنت بختار أعرض جوانب إيجابية من حياتي ولقطات فرح ما هي إلا مجرد جزء من أيامي زي أي إنسان بيعدي عليه وقت حلو ووقت وحش، فرح وحزن ومشاكل، مرض ويأس ونجاح، محدش مبسوط على طول ولا حد حزين على طول".

وأنهت كلامها بـ "وللناس إللي بتشوف الأمور بسطحية بقول كلنا بشر بنعيش بمشاكلنا وبنتعايش وساعات كتير الضحكة بتخبى دمعة والمظاهر خداعة".