أكرم حسني بـ"SNL بالعربي" على ON E: رحت عزاء لقيت الناس لابسة ميكي ماوس

ظهر الإعلامي الساخر أكرم حسني، في حلقة برنامج "SNL بالعربي" مساء السبت، وروى موقف مضحك له أثناء حضوره مراسم عزاء أحد الأشخاص، وقال: "كنت رايح أعزي في راجل جنبنا بناء على طلب بابا.. واتفاجئت إن لقيت واحد لابس ميكي ماوس خارج ووراه تويتي، فكلمت بابا قلت له هو عمي رجب اللي مات ولا عمي دهب؟".

واستكمل حسني، خلال مشاركته في حلقة أمس من البرنامج المذاع عبر فضائية ON E: "قلت لبابا مين اللي مات علشان أنا لابس غلط.. لو كده أروح ألبس باتمان وأجي.. فشتمني وقفل.. واكتشفت إن ده عيد ميلاد ودي حفلة تنكرية وإن العزا في الدور الثالث.. فنزلت دور وقعدت في الشقة اللي فيها العزا ومن حظي الهباب إن قعدت قدام باب الشقة.. فكان صوت القرآن شغال وأنا بترج من الضحك في مكاني في إن شايف القراصنة نازلين وبارني وميكي ماوس وتوم وجيري.. فواحد قالى عيب يا أستاذ اللي إنت بتعمله ده وإحنا في موقف حرج واتفضل اطلع بره".