أسما شريف منير تُعلن فسخ خطبتها من محمود حجازي
- خبر
- 05:33 مساءً - 20 مارس 2018
- 1 صورة
أعلنت أسماء شريف منير منذ قليل فسخ خطوبتها من الفنان محمود حجازي.
وكتبت "أسما" عبر حسابها الشخصي بموقع "فيسبوك" قائلة :"طيب الموضوع اتقال فيه كلام كتير و انا بعترف إني سبب اللخبطة دي، الرجالة مبتعملش الحاجات اللي احنا كستات بنعملها، اللي هو أزعل انزل post القح بيه عليه قال يعني مش ليه و كل الرجالة بتكره الحركة دي و انا بس دلوقتي بعترف إنهم عندهم حق".
وأضافت:"غير بقي اني بنسي موضوع الأخبار ده فا التلقيح او كلام الزعل بالنسبالي بينتشر و كل حد بيقول رأيه بكل قسوة، الموضوع فعلاً في الاخر اتنين حبوا بعض و ارطبتوا قدام الناس كلها و مشينا في مشوار خطوبتنا زي اَي اتنين، كبرنا مع بعض و بِينَا حاجات كتير حلوة و برضه زي اَي اتنين حصل بينهم مشاكل و طبعاً إنتوا عرفين التسرع الله يخرب بيته فا لما كان في عدم اتفاق من فتره نزلت post و مسحته علطول عشان كان وقت عصبيه و كان لسه في أمل".
وتابعت :"بس من ساعتها و في توتر الناس قالت كلام كتير وحش و كملنا و اكتشفنا انه في عدم اتفاق مش عشان ان حد وحش ولا موقف ولا حاجة لحد ما أخدنا القرار بس مكناش اتفقنا علي اعلان ده امتي فا انا نزلت و أعلنت ده بس في توقيت غلط مني بكل صراحة انا لازم أكون امينه في ده".
واختتم أسما :"عموماً هو محصلش نصيب بس احنا بنحترم بعض حجازي إنسان محترم جداً و بتمناله السعادة و النجاح احنا بِينَا عشره طيبة و نجاحات و حب و أكيد خير لينا، هو ده الموضوع بكل بساطة.. ممكن بقي منتكلمش فيه تاني لو سمحتوا، انا اتعلمت درس كبير ان الخصوصيات مش للنشر و الحسد برضه مذكور في القران لسبب، الحمد لله بس كده و شكراً".
يذكر أن أسما ابنة الممثل شريف منير احتفلت في شهر اكتوبر من العام الماضي بخطوبتها على الممثل محمود حجازي، في حفل عائلي بسيط.
