فيديو وصور| أكرم حسني يحقق حلم طفلة حلمت بمقابلته‎

حقق الفنان الكوميدي أكرم حسني، أمنية طفلة صغيرة من ذوي الاحتياجات الخاصة، أرادت زيارته في مواقع تصوير مسلسله الجديد "الوصية"، والمنتظر عرضه في شهر رمضان المقبل.

وكتب أكرم على حسابه الرسمي على إنستجرام،"إمبارح وأنا بصور لاقيت ناس كتير من قرايبي وأصحابي باعتينلي بوست بيطلب من الناس اللي يعرفوني يبلغوني إن فيه بنت بتحبني ونفسها تشوفني ولأني عارف إننا مشغولين في التصوير لحد نهاية رمضان ومش هافضى قبل كده فتواصلت مع بابا وطلبت منهم يجولي التصوير النهاردة.. لحد هنا و الموضوع عادي، لكن اللي مش عادي بقي لما زينة جت النهاردة و قابلتها".

وأضاف، "والله العظيم أنا ما شفتش في حياتي بنت بالجمال ده ولا خفة الدم دي ولا اللماضة دي ولا الحنية دي ولا القدرة علي التعبير عن إحساسها بالجمال ده لدرجة إني حسيت إني أنا اللي كنت محتاج أشوفها مش هي، إحساس عظيم إنك تأثر في حد وإنك تحس إن ربنا جعلك أداة تسعد الناس وأنت كمان تبقي سعيد لما حد منهم يظهرلك حبه، ربنا يحميكي يا زينة يا حبيبتي ويبارك لك في أهلك المحترمين الطيبين الجدعان اللي اتشرفت إني قابلتهم واتعرفت عليهم".