محمد عدوية: لست مطربًا شعبيًا

محمد عدوية

حل الفنان محمد عدوية، ضيفا على برنامج "صدة ردة" على راديو "إينرجي".

وقال "عدوية" إن "الجلوس على دكة الاحتياط أفضل بالنسبة لي من تقديم أغنية مش عاجباني خاصة أنني أعتبر نفسي هاويا، لو محترف كنت عملت حاجات كتير عشان المادة.. زي التمثيل اللي اتعرض عليا أكتر من مرة".

وأضاف: "حاليا مبعرفش أمثل لكن ممكن أخوض تجربة التمثيل ولكن في المستقبل ولا شيء يضمن نجاح العمل لكن وجود رؤية تقود العمل تجعله أقرب للنجاح".

وتابع "البعض أراد تصنيفي كمطرب شعبي في بدايتي لكن أنا ليا شكل مختلف ومفيش حاجة واحدة بتدخل أهداف، الألبوم كل أغنية منه هدف في حد ذاته.. وفيه الهدف الحلو جدا والهدف العادي".

وأكمل كلامه قائلًا: "كاس العالم في حياتي أن أفوز بجرامي أوورد" علما ان "إحنا شعب شاطر أوي والدليل الراجل اللي اسمه محمد صلاح اللي عدى كل الحدود".

وتابع "أرى نجاحي في سماع الناس للأغاني وترديدها ، وصانع الألعاب في حياتي هو ياسر حسنين، الراجل في ضهري ويسعى لتحقيق أفكاري، ومعاه فريق العمل كله الموزع والملحن ومدير اعمالي".