تامر حسني يكشف كواليس ألبومه الجديد "عيش بشوقك"

كشف الفنان تامر حس تفاصيل ألبومه الغنائي الجديد "عيش بشوقك" المقرر طرحه قريبا وذلك من خلال تدوينة على صفحته الرسمية على فيس بوك.

وكتب تامر، "نهاركم جميل إن شاء الله، سألتوا كتير عن ألبومي الجديد وقولتلكم إن غيابي ده عشان أعمل أفكار جديدة تليق بجمهور عظيم زيكم وتليق بمشواري وبمكانتي كمطرب مصري عربي، الألبوم ده أخد مجهود كبير من سنتين لحد النهارده وأنا كل يوم بشتغل على تطويره وإصداره بشكل مش تقليدي وخارج الصندوق المعتاد الألبوم ده أنا بعتبره محطة جديدة ليا في حياتي من حيث الفكر والموسيقى والجودة وأنتوا أكيد هتلاحظوا ده الفترة الجاية.

وأضاف، "الحمد لله بدأ خلاص العد التنازلي لإصدار الألبوم وكل يوم هيكون فيه جديد بتعرفوه لحد ما يطلع للنور إن شاء الله ألبومي القادم اسمه عيش بشوقك كلمات مصطفى حسن وألحان بلال سرور وتوزيع بلال سرور وهاني محروس هي أغنيه مبهجه غير تقليديه تماماً وفيها حاله يمكن بتمس معظمنا، والاغنيه من إخراج المخرج الكبير هادي الباجوري وبكرة إن شاء الله هينزل أول ميكينج أوف لأغنية تانية من ألبومي اسمها وأنت معايا اللي بتجمعني بأستاذي النجم الجزائري الكبير الشاب خالد وهتشوفوا كواليس الأغنيه وكل مراحلها الكليب للمخرج اللبناني الكبير سعيد الماروق".