فيديو| رسالة محمد رمضان لطلبة الثانوية العامة بعد إعلان النتيجة

محمد رمضان

نشر الفنان محمد رمضان عبر حسابه على موقع التواصل الاجتماعي "تويتر" فيديو له يقدم فيه رسالة لطلاب الثانوية العامة بمناسبة إعلان النتائج صباح اليوم ومحاولة بعضهم الانتحار بعد معرفة النتيجة، على حد قوله.

وقال "رمضان": "ناسي وأهل بلدى وأخواتي الصغيرين طلبة الثانوية العامة، النهارده أنا قريت أخبار عن بعض الشباب فكروا فى الانتحار زعلتنى جدا.. احنا أقوى من كده بكتير احنا أقوى من أي ضغوط نفسية هتقابلنا فى حياتنا سواء فى دراستنا أو شغلنا أو حياتنا بشكل عام".

وأكد "رمضان"، أن من أهم أسباب النجاح قوة التحمل، "ومن أهم صفات الشخص الناجح أنه يبقي غير قابل للكسر، غير قابل لليأس".

وأضاف: "أرجوكوا أي طالب بيفكر فى الفكرة الرديئة التي تسمى الانتحار، ده شخص جبان اللي يكون في كده، واحنا مش جبناء احنا شعب قوي وعنده إرادة".

رسالتي لأخواتي الأولاد والبنات طلبة #الثانوية_العامة pic.twitter.com/YnWRhqb2nO

— Mohamed Ramadan (@Mohamed_Ramadan) July 12, 2018