تامر حسني يكشف سبب إنتاجه لألبومه الجديد "عيش بشوقك"

علق النجم تامر حسني على الأسئلة الموجهة إليه حول أسباب إنتاجه لألبومه المصور الجديد "عيش بشوقك" الذي طرحه على "يوتيوب" خلال الأيام الماضية.

وكتب تامر منشورًا مطولًا على صفحته الرسمية على موقع "فيس بوك" حيث كتب: "من قلبي لمن يهمه الأمر، اتسألت كتير السؤال ده، أنت ليه أنتجت؟، الحقيقة من وجهة نظري المتواضعة كان لازم يكون في نقلة نوعية في الموسيقى في مصر والوطن العربي عشان الجمهور يستحق مننا كده".

وتابع تامر: "بحكم تطلعه وإدراكه الكبير بالموسيقى العالمية، الجمهور يستحق مننا إننا نتعب أكتر عشانه بفن راقي يستحق أن يكون واجهة موسيقية مشرفة لبلدنا ووطنا، وتاني حاجة بحكم إني فنان أنعم الله عليا والحمد لله بمكانة دولية كبيرة في قلوب جماهيري في بلدي مصر وجميع بلاد الوطن العربي والمغتربين في جميع أنحاء العالم وبعض الجماهير الأجنبية التي تتابعني، كان لازم أتعب كده عشان التعب على قد المكانة".

وأضاف: "مش قادر أوصفلكم فرحتي بردود أفعالكم الجميلة على تعبي وتعب شركتي، والنجاح ده وراه خلية نحل كبيرة بجد أبطال، وأنا هشكرهم بطريقتي الفترة الجاية، بس مش عايز أحرق هعمل إيه بس اللي عايزكم تعرفوه إن والله والله والله الشركة دي كلها شغالة من غير ولا عقد ورقي، ولكن عقدنا الوحيد ووعدنا الوحيد هو الحب والإخلاص اللي في قلوبنا لبعض، شكرًا شركة T.H Production".