صور| شاهد خطوبة الفنان مينا عطا بعد قصة حب لـ11 سنة

أعلن المطرب الشاب مينا عطا عن خطبته من فتاة من خارج الوسط الفني بعد قصة حب طويلة امتدت لأكثر من 11 سنة مليئة بالأحداث بينهما.

ونشر مينا صورة من الخطوبة وعلق عليها بمنشور طويل كتب فيه، "فاكرين يوم ما غنيت في ستار أكاديمي "الإيڤال الرابع بتاع الأمنيات" أغنية "لا تروحي"، وكانت أمنيتي إن البنت الوحيدة اللي حبتها في حياتي ترجعلي ونكمل حياتنا سوا! الحمد لله من نعم ربنا عليا النهاردة إني أقدر أقول إننا رجعنا لبعض واتخطبنا كمان وفرحنا بإذن الله قرب".

وواصل قائلًا: "أولًا عاوز دعوة حلوة منكم لينا، وثانيًا هما كلمتين أحسن من ٢٠٠ عشان مابحبش أطول، لو ليك هدف، أمنية، حلم إمسك فيه بإيديك وسنانك، وإوعى تقول مستحيل أو مش هيحصل، لأن ربنا كبير أوي وعالم بنيتك وحالك وبيديك دايمًا اللي إنت محتاجه والمناسب ليك فى الوقت المناسب".

وأضاف، "أما بالنسبة لعشرة الـ١١ سنة حب واللي استحملتني كتيييير ووقفت جانبي زمان كتيير أوي قبل أى شهرة وقبل كل حاجة أيام ما كانت بجد الحياة سودة ومتقفلة في وشي ومش عارف أحقق أي حاجة، أحب أقولك لو لفيت الدنيا كلها، والله العظيم عمري ما هلاقي زيك وعمري ما حبيت و لا هحب ولا عرفت حب بجد يعني إيه غير معاكي، إنتي كل حاجة في حياتي".