• Adel Salib
• 12:00 صباحًا - 28 فبراير 2010
• نقد آخر لنفس المستخدم

محم دشبل من المخرجين القلائل اللي عملوا فالام بس سابوا بصمة واضحة جدا انياب اول افلامة هو اول فيلم تجريبي مصري استخدم اسلوب فانتازيو غريب جدا علي المصرين و كمان حول شخصية داركيولا لشخصية مصرية و عمل فيلم غنائي !!!!

العبقرية تكمن كمان في اختيار الممثلين و خصوصا دور عدوية اللي هو دراكيولا

و الاغاني كلمات الراحل عصام عبدالله اللي بسطتتها متنهية و معانيها اكبر بكتير بالحان مودي و حسين الامام

و ازاي مخرج بحجم حسن الامام مثل و غني في الفيلم ده !!!!

محمد شبل مخرج يستحق اننا نلقي ضوء اكبر عليه و علي افلامه و التغير اللي عمله والاساليب الجديدة اللي بعضها استخدم في الغرب بعديها بسنين و انبهرنا بيه رغم ان الاصل مصري زي فيلم kill bill اخراج تارنتينو اللي استخدم اسلوب اللوحات اللي في نص الفيلم و الكتابة عليها رغم ان الاسلوب ده استخدمه شبل في انياب بشكل كوميدي و جديد قوي زي اول ظهور لعدوية تسبقة لوحة (قصر الرعب يقدم) !!!

الله يرحم محمد شبل و كل مجدد و صاحب بصمة

• 9 مفيد
• 0 غير مفيد