• محمد ياسر بكر
• 12:00 صباحًا - 6 ديسمبر 2010
• نقد آخر لنفس المستخدم

أيام شبه الأيام لكن مش هيا أوهام و تقول أحلام حلوة و وردية مسلسل يحكى عن أيام شبه الأيام يعنى مالهاش طعم مالهاش ملامح أيام زى ما قال عنها كده وحيد حامد على لسان كمال الشناوى وزير الداخلية فى طيور الظلام " هيا فى أيام بتيجى كده ما يعلم بيها إلا ربنا " . مدحت العدل فى ثالث تجاربه الدرامية و هو يبدو شديد النضج و الحساسية فهذا ليس مدحت العدل الذى كتب منذ 15 سنة " امريكا شيكا بيكا " كتب نص درامى شديد الرهافة و رسم بريشة شخصيات حدوته التى قد يبدو بطلها الرئيسى الناظر شخصية نظرية زيادة عن اللزوم و لكن النص كان يتتطلب هذا و نحن صدقناه ، قصة حب مش أكتر واحد حب و لكنه حب منقبة !! بقت أزمة فكل ما يتعلق بهذه الفئة الجديدة على مجتمعنا أصبحة يمثل أزمة . إرجع يا زمان حن يا ماضى أيام الحب ما كان ... ما كان عادى و لا كان الشوق للناس تهمة و لا نظرة عين و حنين أزمة و لا عقل الناس خاوى و فاضى ... حن يا ماضى و بعدين دخلنا فى حياة المنقبة دى و وقع مدحت العدل زينا فى حيص بيص و مشكلة البيضة الأول و لا الكتكوت بمعنى عنف الأمن و شدته هما اللى بيصعنوا متطرفين دينيا ً يتخذوا من الجهاز الأمنى و من وراءه النظام أعداء لهم و لا تربيتنا و قيمنا المتشددة هيا اللى بتصنعهم و بتحطهم فى مواجهة مع الأمن ؟؟؟؟ و طرح المؤلف الحب كحل أساسى للوضع ده نتلم زى زمان و نحب بعض الأخ يضم أخوه و الأب يضم ابنه و المجتمع يضم ولاده و يتسامح معاهم ... مش أكتر . جمال سليمان بعتبر ده اول أدواره فى الدراما المصرية ده جمال سليمان اللى شوفناه فى رباعية الأندلس و " صلاح الدين " و " فنجان الدم " و " أهل الراية " ادى دوره ببراعة منقطعة النظير . بسمة ماعادتش تفاجأنى ... كل مرة أشوفها بشكل جديد بتشتغل ببطء و لكن بثبات غير عادى . خالد سرحان ... مفاجأة بكل المقاييس الجيل ده بيثبت ان المنتجين ظلموه لما نمطوه و حبسوه فى دور معين . إيمان الحداد مرحبا ً بمولد مخرجة جديدة و هذا ما تعودناه من العدل كمنتجين . عمرو مصطفى أسطورة كالعادة .

• 4 مفيد
• 5 غير مفيد