• مجهول
• 12:00 صباحًا - 15 ديسمبر 2011
• نقد آخر لنفس المستخدم

الفيلم أمتعنى وأضاف لمعلوماتى عن المرض بالرغم من معرفتى بمعلومات عديدة عنه المطالبين بسينما نظيفة ممكن يشاهدو الفيلم بالرغم من الموضوع الشائك اللى بيتعرضله الفيلم ألا أنه لا يحمل أى مشاهد مخجلة أومسيئة الفيلم أثبت أن ممكن أخرج من فيلم عربى وأنا مستفيد منه ومبسوط به الفيلم فعلاً وصل لمستوى راقى فى تقديمه يصل لمستوى فيلم الاوسكار لتوم هانكس و دينزيل واشنطن "فيلاديلفيا" المصاب بالاتش اى فى لسه مابقاش مريض أيدز مريض الايدز مابيخوفش لازم تخاف على مريض الايدز مش تخاف منه علشان زى بتخاف عليه هيخاف عليك مهما كان سبب حدوث المرض مش احنا اللى هنحاسبهم ربنا هو اللى بيحاسب فى النهاية تحياتى لفريق العمل هند صبرى عمرو سلامه ماجد الكدوانى سيد رجب هانى عادل تحياتى لمنفذة المكياج لهند صبرى أنا فعلاً أقتنعت بشكلها فى مراحل حياتها المختلفة أضاءة الفيلم الغامضة فى بعض الاحيان كانت جزء من الحوار بشكل أو آخر اللقطات المقربة لوجه هند صبرى أغلب الوقت تطلب منها مجهود عنيف لأنها مجبرة على التمثيل بملامحها و ليس بالكلام فقط مشهد النهاية أكثر من رائع يجبرك على الابتسام و الفرحة حتى و ان غالبتك دموعك فها هى أسماء تعود منتصرة مفرودة القامة شاعرة بالحرية و القوة وجهها مضئ كالقمر غير عابئة بالنظرات أسماء أنتى بطلة

• 1 مفيد
• 0 غير مفيد