• دعاء أبو الضياء
• 12:00 صباحًا - 10 ديسمبر 2012
• نقد آخر لنفس المستخدم

اعتقد أن اي فيلم بيدور في إطار الاكشن والجريمة بيحتاج التركيز على نقاط معينة حتى يتمكن الجمهور من فهم المغزى الحقيقي للفيلم، وخط القصة المكتوب كمان لازم يبقى محدد لمعاني كتير اوي عشان يقدر بيها يلمس العواطف الكامنة لدى المُشاهد وتحقيق الشعبية المطلوبة من أفلام الحركة؛ وده للأسف ماكنش ظاهر بفيلم Alex Cross خاصة لما افتقد ﻷهم معنى وهو توضيح سبب قيام القاتل بيكاسو للتخلص من ضحاياه بالشكل ده،

القصة كانت ممكن تبقى أقصر من كدا والمشاهد كمان ماكنتش محتاجة كل الاستطالة دي، وبالرغم من أن اﻷداء التمثيلي للأبطال كان على درجة جيدة إلا أن الحوار اللي كتبه (مارك موس) خلاني أحس أن تايلر بيري بكل مالديه من موهبة فشل في أني اتعاطف مع حالته الشخصية بعد مقتل زوجته، بالأضافة لده افتقد الفيلم عنصر مهم أوي وهو عنصر التشويق وقدرت اتنبأ بأغلب الأحداث وكنت متأكدة من النهاية بكل بساطة،

يمكن اقدر أقول ان الحسنة الوحيدة اللي تذكر للفيلم حركات البطل ماثيو فوكس وقدرته الفائقة على القتال والصراعات اللي وقعت بينه وبين بيري وكمان تعبيرات وجهه كانت كلها مناسبة للأحداث ومعبرة،

الفيلم ممكن تشاهده مرة ومعتقدتش انك ح تحتاج تفكر فيه مرة تانية أو تقول لحد من اصحابك عليه.

• 3 مفيد
• 0 غير مفيد