• وليد زكي
• 12:00 صباحًا - 2 مارس 2013
• نقد آخر لنفس المستخدم

حاولت كتير قوي اني افهم الافلام اللي بتدور حوالين حلم انسان بيحلمه وبعدين يصحى يغير حياته بسبب الحلم بس للأسف فشلت اني افهم نوعية الافلام دي اللي بتنتمي الى الخيال العلمي تقريباً .. مش فاهم جابوا من فين فكرة ان الانسان يقدر يحلم حلم متكامل الاركان ومنطقي وطويل بالمنظر ده وبعدين يقوم كمان فاكر الحلم.

خلينا نضيف برده شيء مهم جداً .. ان من اساسيات الافلام اللي بتعتمد على الاحلام ان الانسان يتفرج على الفيلم وهو مش عارف ان البطل بيحلم بس احنا هنا بنتفرج على حلم البطلة بتاعة الفيلم واحنا عارفين كويس قوي قوي انها بتحلم وهاتصحى من الحلم وده شيء دمر اساس الفيلم .. بس مين قال ان الفيلم ليه اساس او حتى حبكه دراميه.

طبعاً قصة الفيلم لاتستحق اننا ننتعب نفسنا ونتكلم عليها اصلاً لأن ماكنش فيه قصه ولو اتفرجت على الاعلان هاتعرف القصه ببساطه شديده وهي قصه غير مسليه حتى .. وفكرت كتير قوي اني اطفي الفيلم واقوم بصراحه بعد 18 دقيقه من بداية الفيلم.

يبقى اداء الممثلين .. ياسمين عبد العزيز موهبه تمثيليه متفجره من الصغر .. بس هي لازم تفهم كويس ان الاندماج في الشخصيه شيء والافوره في الاداء بالصراخ على طريقة كركر شيء اخر .. اداء ياسمين في الفيلم نسخه مكرره من اداءها في الثلاثه يشتغلونها والداده دودي بدون اي تجديد وللأسف هي نققطة ضعف شديده في الفيلم

حسن الرداد .. مشروع ممثل جيد ولكن مساحة الدور وتهميش دوره كان متعمد لحساب ياسمين عبد العزيز وهو ماساهم في ظهوره في صورة الممثل الصاعد الذي يتحسس طريقه في التمثيل

باقي الممثلين .. اداء عادي في حدود الدور المكتوب بدون اي ابداع

الفيلم بصورة عامه ينتمى الى نوعية افلام السبكي التي لا تقدم اي شيء جديد سوى تحقيق الايرادات لصالح المنتج

• 2 مفيد
• 1 غير مفيد