• Ray
• 12:00 صباحًا - 9 ابريل 2013
• نقد آخر لنفس المستخدم

الفيلم ممتع و حلو , لكن قصته ساذجة و غير واقعية لكن زى ما قلت ممتعة , بس فى الاخر هتلاقيه ممتع و يستحق ان تروح تشوفه و ده لعناصر كتيرة , زى مورجان فريمان و جيرارد باتلر اللى كانوا رائعين , و كانوا السبب الرئيسى فى دخول الفيلم .

اللى خلانى اقول ان القصة ساذجة , هو المشهد بتاع هجوم الارهابيين على البيت الابيض , و قد ايه هو خلانى احس ان البيت الابيض ضعيف و مش قادر يتصدى ل28 ارهابى و طيارة !

الفيلم ممتع , مليان بالاثارة , الاكشن و الحركة السريعة , و جيت فى وقت من الاوقات كنت حاسس انى بتفرج على فيلم من افلام (Die hard) و دى حاجة حلوة , الفيلم مدته ساعتين بس مش هتحس بيهم و هما بيعدوا لسرعة الحركة فى الفيلم و المشاهد.

فى الاخر , نصيحتى ليك , او انت رايح تشوف Olympus has fallen متتوقعش قصة رائعة محتاجة تركيز لكنها على العموم مليانة مفاجئات , بس خليك متأكد انك هتشوف فيلم حلو , اخراج و تصوير حلو , اداء تمثيل جيد و اثارة.

• 2 مفيد
• 0 غير مفيد