• Mahmood Yousef El Khawaga
• 12:00 صباحًا - 28 يوليو 2013
• نقد آخر لنفس المستخدم

اسم مؤقت .. يعتبر من افضل مسلسلات السنة دى رغم كثير من النقد عليه .. زى السرقة من فيلم unknown ، القصة فيها احداث متشابهه شوية ، انما مش كل الاحداث والقصة مش مسروقة ، ودايما يوسف الشريف بيبهرنا بمسلسلاته من اول المواطن اكس لحد اسم مؤقت ، المسلسل اجمع الدراما والتشويق والاثارة والاكشن والكوميديا والرومانسية فى مسلسل واحد وأقدر اقول وبدون منازع ان يوسف الشريف هيبقى الزعيم القادم فى الدراما ، وميزته ان بيسبلك لغز فى كل حلقة انت اللى تحله وفى الحلقة اللى بعديها يجبلك الحل ويشوفك انت صح ولا لا ، والمسلسل دا تحس ان للاذكياء فقط من كتر التشويق اللى فيه ، مسلسل اسم مؤقت اقدر اقولك انه هو افضل مسلسل فى رمضان 2013 ، ودا غير ان المسلسل مفيهوش اى اخطاء تذكر ، او اى لفظ خارج او مشهد مش محترم .. يوسف الشريف بيحاول يرجع صيغة الدراما الاصلية اللى ماتت من زمان .. فشكرا يوسف الشريف ونرجو ان تكون دائما فى هذا المستوى الراقى .

• 6 مفيد
• 0 غير مفيد